Siti ynë zyrtar​—Përdoreni për të ndihmuar ata që flasin gjuhë të huaj

Tregojuni sitin tonë: Demonstrojuni si mund ta përdorin listën te «Gjuha e sitit» për ta parë sitin në gjuhën e tyre. (Në disa gjuhë, disponohet vetëm një pjesë e sitit.)

Tregojuni një faqe ueb në gjuhën e tyre: Tregojuni një faqe nga botimet tona, si për shembull, librin Çfarë mëson vërtet Bibla? ose fletushkën A do të dish të vërtetën? Zgjidhni gjuhën e tyre nga lista «Lexo në».

Vëruni të dëgjojnë një artikull: Gjeni një artikull që është në audio në gjuhën e tyre dhe klikojeni që ta dëgjojë. Nëse po mësoni një gjuhë të huaj, mund të dëgjoni regjistrime audio në atë gjuhë ndërkohë që i ndiqni duke lexuar.​—Shkoni te «Botime/Libra dhe broshura» ose «Botime/Revista».

Jepuni dëshmi atyre që nuk dëgjojnë: Nëse gjeni dikë që nuk dëgjon, hapni një video në gjuhën e shenjave, për shembull, një fletushkë ose një kapitull nga Bibla, nga një libër e broshurë, nëse ka në gjuhën që kupton personi.​—Shkoni te «Botime/Gjuha e shenjave».

[Diagrami në faqen 6]

(Për tekstin e faqosur, shih botimin)

Provoni

1 Klikoni ▸ për të dëgjuar regjistrimin e asaj që keni zgjedhur (nëse disponohet në gjuhën tuaj) ose një nga formatet te «Mundësi shkarkimi» për ta shkarkuar.

2 Zgjidhni një gjuhë tjetër nga lista «Lexo në» për t’ua treguar faqen në atë gjuhë.

3 Klikoni «Tjetri» ose një link te «Tabela e përmbajtjes» për të lexuar një artikull ose kapitull tjetër.