Prezantime model

Për të filluar studime biblike të shtunën e parë të korrikut

«Shumë njerëz i përsëritin këto fjalë nga Lutja e Zotërisë: ‘Ardhtë mbretëria jote. U bëftë vullneti yt, si në qiell, edhe në tokë.’ Si mendoni, çfarë është kjo Mbretëri? [Presim përgjigjen.] Për këtë na ndihmon një varg biblik.» Lexojmë Danielin 2:44. Pastaj i japim të zotit të shtëpisë një kopje të revistës Kulla e Rojës e 1 korrikut dhe lexojmë e shqyrtojmë së bashku materialin poshtë nëntitullit të parë në faqen 16. I ofrojmë revistat dhe lëmë takim që të kthehemi për të shqyrtuar përgjigjen e pyetjes vijuese.

Kulla e Rojës 1 korrik

«Ngaqë jeta është e shkurtër dhe e plot probleme, shumë pyesin se çfarë kuptimi ka jeta. A e keni bërë ndonjëherë këtë pyetje? [Presim përgjigjen.] Bibla premton se jeta nuk do të jetë gjithnjë kështu. [Lexojmë Zbulesën 21:4.] Kjo revistë shqyrton çfarë qëllimi ka Perëndia për tokën dhe rendit disa gjëra që mund të bëjmë për të gjetur që tani kuptimin e vërtetë të jetës.»

Zgjohuni! korrik

Përmendim një tragjedi që kemi dëgjuar në lajme. Pastaj themi: «Pse mendoni se lejon Perëndia të ndodhin këto gjëra? [Presim përgjigjen.] Sipas Biblës, Perëndia ndien dhembshuri për ata që vuajnë. [Lexojmë Daljen 3:7.] Bibla na tregon edhe përse i lejon Perëndia vuajtjet dhe se së shpejti do t’u japë fund përgjithmonë. Pikërisht për këtë flet kjo revistë.»