Prezantime model

Për të filluar studime biblike të shtunën e parë të korrikut

«Të gjithë njerëzit duan të kenë një jetë të gjatë e të lumtur. A mendoni se një ditë falë shkencës dhe mjekësisë do të jetojmë përgjithmonë? [Presim përgjigjen.] Vini re çfarë thuhet këtu.» I tregojmë faqen e fundit të revistës Kulla e Rojës të 1 korrikut dhe shqyrtojmë materialin poshtë pyetjes së parë e të paktën një nga shkrimet e përmendura. I ofrojmë revistat dhe lëmë takim që të kthehemi për të parë përgjigjen e pyetjes tjetër.

Vini re: Ky prezantim duhet të demonstrohet gjatë mbledhjes për shërbim me datë 6 korrik.

Kulla e Rojës 1 korrik

«Shumica e njerëzve me të cilët bisedojmë kanë fenë e tyre. Kurse të tjerë e kanë humbur fare besimin te feja. Po ju, çfarë mendoni për fenë? [Presim përgjigjen.] Jezui na dha një standard që na ndihmon kur shqyrtojmë një fe. [Lexojmë Lukën 6:44a.] Kjo revistë tregon disa nga frytet e këqija që ka sjellë feja. Gjithashtu i përgjigjet pyetjes: A ka ndonjë fe që e meriton besimin tënd?»

Zgjohuni! korrik

«Po flasim me fqinjët për një problem që na shqetëson të gjithëve, për padrejtësitë. Disa protestojnë që të zhduken padrejtësitë. Sipas jush, a ndryshojnë gjë ata që protestojnë? [Presim përgjigjen.] Shikoni çfarë do të sjellë ndryshime rrënjësore në botë sipas Biblës. [Lexojmë Mateun 6:9, 10.] Kjo revistë i përgjigjet pyetjes: A zgjidhin gjë protestat?»

Një lajm i mirë nga Perëndia

«Po u tregojmë familjeve një mendim inkurajues nga Shkrimet e Shenjta. Shumë pyesin veten: nëse Perëndia është i dashur, pse vuajnë kaq shumë njerëzit? A na krijoi që të vuajmë?» Presim përgjigje. Pastaj hapim broshurën te mësimi 5, lexojmë dhe trajtojmë dy paragrafët e parë dhe shkrimet me të pjerrëta. I ofrojmë broshurën dhe lëmë takim të kthehemi për të shqyrtuar pyetjen vijuese me shkronja të zeza.