Prezantime model

Për të filluar studime biblike të shtunën e parë të tetorit

«Në këto kohë të vështira, të gjithë hasim probleme që u sjellin stres familjeve. Ku mendoni se mund të gjejmë këshilla të besueshme që të kemi familje të lumtur?» Presim përgjigjen. Pastaj i japim një kopje të revistës Kulla e Rojës të 1 tetorit dhe shqyrtojmë së bashku materialin poshtë një prej nëntitujve në faqet 16 e 17 dhe të paktën një prej shkrimeve të përmendura. I ofrojmë revistat dhe lëmë takim që të kthehemi për të shqyrtuar përgjigjen e një prej pyetjeve të tjera.

Kulla e Rojës 1 tetor

I tregojmë kopertinën e revistës dhe e pyesim: «Si do të ndiheshit po të mësonit se ju kanë gënjyer në lidhje me Perëndinë? [Presim përgjigjen.] Vini re se çfarë tha Jezui për mënyrën si mund ta dallojmë të vërtetën nga gënjeshtra. [Lexojmë Gjonin 17:17.] Pra, vetëm Bibla na tregon të vërtetën për Perëndinë. Kjo revistë shqyrton pesë gënjeshtra që dëgjohen shpesh për Perëndinë dhe se si i përgënjeshtron Bibla.»

Zgjohuni! tetor

«Po flasim sot me gjithë familjet. Cila mendoni se është vështirësia më e madhe që hasin prindërit gjatë rritjes së fëmijëve? [Presim përgjigjen.] Shumë prindër mbështeten te këshillat e Biblës. Për shembull, këto fjalë të mençura janë një ndihmë e madhe për disiplinimin e fëmijëve. [Lexojmë Efesianëve 4:31.] Kjo revistë tregon se si këshillat e Biblës mund t’i ndihmojnë prindërit në çdo fazë të rritjes së fëmijëve, që nga foshnjëria deri në adoleshencë.»