Prezantime model

Për të filluar studime biblike të shtunën e parë të tetorit

«Po flasim shkurtimisht me njerëzit për një qeveri të mirë. Si mendoni ju, a mund të arrijë ndonjë qeveri të eliminojë problemet e mëdha, si dhuna dhe padrejtësitë?» Presim përgjigje. I përmendim të zotit të shtëpisë se Bibla flet për një qeveri të tillë, Mbretërinë e Perëndisë, dhe na nxit të lutemi që ajo të vijë. I tregojmë faqen e fundit të Kullës së Rojës të 1 tetorit dhe shqyrtojmë materialin poshtë pyetjes së parë dhe të paktën një nga shkrimet e përmendura. I ofrojmë revistat dhe lëmë takim për të folur për pyetjen vijuese.

Kulla e Rojës 1 tetor

«Po flasim shkurtimisht me njerëzit për këto fjalë që thotë Bibla për një qeveri që ka vendosur Perëndia. [Lexojmë Mateun 6:9, 10.] A jua kanë shpjeguar ndonjëherë çfarë është Mbretëria e Perëndisë dhe pse Jezui e theksoi kaq shumë në mësimet e tij? [Presim përgjigje.] Kjo revistë tregon çfarë thotë Bibla për Mbretërinë e Perëndisë dhe disa nga ndryshimet e mrekullueshme që do të sjellë ajo në tokë.»

Zgjohuni! tetor

«Shkurtimisht po i ndihmojmë njerëzit të gjejnë përgjigjen e kësaj pyetjeje. [I tregojmë kopertinën e revistës] Sipas jush, a përcaktohet suksesi nga pasuria? [Presim përgjigje.] Bibla jep një pikëpamje të ekuilibruar për zotërimet materiale. [Lexojmë Lukën 12:15.] Sipas Biblës, kushdo mund ta arrijë suksesin e vërtetë. Kjo revistë shpjegon më shumë për këtë.»