Jezui do t’i japë fund varfërisë

Kur ishte në tokë, Jezui shfaqi dashuri të jashtëzakonshme për njerëzit, sidomos për ata që ishin të varfër dhe të vuajtur. (Mateu 9:36) Madje, ai dha edhe jetën për të tjerët. (Mateu 20:28; Gjoni 15:13) Shumë shpejt, Jezui do të tregojë përsëri dashuri për njerëzit duke përdorur autoritetin e tij si Mbreti i Mbretërisë së Perëndisë, për t’i dhënë fund varfërisë në çdo cep të tokës.

Ja si e përshkruan Bibla me një gjuhë poetike atë që do të bëjë Jezui:

• «I mbrojttë mbreti të përvuajturit e popullit! I shpëtoftë bijtë e të varfrit!»—Psalmi 72:4.

Si mund ta tregojmë çmueshmërinë për gjithë sa ka bërë Jezui dhe për atë që do të bëjë për ne? Një mënyrë është duke mësuar më shumë për «lajmin e mirë për Mbretërinë e Perëndisë». Ky ishte mesazhi për të cilin predikoi Jezui. (Luka 4:43) Lexo artikullin «Çfarë është Mbretëria e Perëndisë?»