Jezui do t’i japë fund krimit

Jezui e di ç’do të thotë të vuash për shkak të krimeve dhe padrejtësive. Atë vetë e akuzuan dhe e rrahën me pa të drejtë, i bënë një gjyq të jashtëligjshëm, e shpallën fajtor ndonëse ishte plotësisht i pafajshëm dhe e ekzekutuan në mënyrë çnjerëzore. Edhe pse s’kishte bërë asnjë faj, me gatishmëri dhe altruizëm, ai dha «jetën e vet si shpërblesë për shumë njerëz». (Mateu 20:28; Gjoni 15:13) Si Mbreti i Mbretërisë së Perëndisë, së shpejti ai do të vërë drejtësi në mbarë tokën, duke i dhënë fund krimit njëherë e përgjithmonë.—Isaia 42:3.

Bibla përshkruan si do të jetë bota kur Jezui ta marrë situatën në dorë:

• «Të ligjtë nuk do të jenë më; do të shohësh vendin ku ishin dikur, por ata nuk do të jenë më. Kurse zemërbutët do të trashëgojnë tokën dhe do t’u kënaqet shpirti me paqen e pafund.»—Psalmi 37:10, 11.

Si mund ta tregojmë çmueshmërinë për gjithë sa ka bërë Jezui dhe për atë që do të bëjë për ne? Një mënyrë është duke mësuar më shumë për «lajmin e mirë për Mbretërinë e Perëndisë». Ky ishte mesazhi për të cilin predikoi Jezui. (Luka 4:43) Lexo artikullin «Çfarë është Mbretëria e Perëndisë?»