«Ne nuk mund të mos flasim»

¹ Jezu Krishti po e ndjek nga afër veprën e predikimit. (Mat. 28:20; Mar. 13:10) Megjithëse ka afërsisht gjashtë milionë lajmëtarë aktivë që japin dëshmi në 234 vende, nuk duhet të mendojmë se vepra jonë e dëshmisë ka përfunduar. Derisa Perëndia të deklarojë që vepra është bërë «ne nuk mund të mos flasim» rreth gjërave që kemi mësuar.​—Vep. 4:20.

² Të mbështetemi në frymën e Perëndisë: Satanai ushtron presion të madh për të na shkurajuar. (Zbul. 12:17) Gjithashtu, vetë mishi ynë i papërsosur na shqetëson me shumë probleme. Gjëra të tilla mund të na shpërqendrojnë nga ajo që është vepra më e rëndësishme, pra, predikimi. Megjithatë, nëse mbështetemi te Jehovai, fryma e tij do të na ndihmojë të përballojmë çdo pengesë.

³ Kur kongregacioni i krishterë i shekullit të parë u persekutua në mënyrë të ashpër, vëllezërit iu lutën Perëndisë për ndihmë që të vazhdonin ta shpallnin fjalën e tij me guxim. Jehovai iu përgjigj lutjes së tyre duke i mbushur me frymën e tij e duke u dhënë zellin dhe vendosmërinë e nevojshme për të vazhduar predikimin. Si rezultat, vazhduan pa ndërprerje që të shpallnin me guxim lajmin e mirë.​—Vep. 4:29, 31; 5:42.

⁴ Të mos kemi frikë nga fjalët shkurajuese: Mendimi i përgjithshëm ose publiciteti shpifës mund të priren të kenë një ndikim frikësues mbi ne. Megjithatë, le të kujtojmë pohimin e guximshëm të Pjetrit dhe të apostujve të tjerë para Sinedrit, të regjistruar në Veprat e apostujve 5:29-32. Siç pranoi mësuesi i Ligjit, Gamalieli, vepra e Perëndisë nuk mund të prishet. Ajo nuk kryhet me anë të fuqisë sonë. Kjo vepër e madhe ka mbështetjen e Perëndisë dhe vetëm ai mund ta kryejë atë!​—Zah. 4:6.

⁵ Le t’i lutemi fort çdo ditë Jehovait për frymën e tij, që të na ndihmojë ta shpallim me zell lajmin e mirë! Le të themi si Jeremia, se mesazhi i Mbretërisë është si një zjarr flakërues në kockat tona. (Jer. 20:9) Ne nuk mund të heshtim!