Të nxjerrim plotësisht dobi nga Kongresi Krahinor «Lajmëtarë të zellshëm të Mbretërisë»
1 Një program gjallërues: Ç’program nxitës gëzuam në kongresin krahinor të këtij viti! U mblodhëm për një qëllim të përbashkët: të përgatiteshim më mirë për të shpallur me zell Mbretërinë e Perëndisë. A e mbajmë mend si e përcaktoi oratori i parë frazën «të shpallim»? A e kujtojmë se çfarë kërkimesh na nxiti të bëjmë fjalimi «Të mos kemi frikë, duke e ditur që Jehovai është me ne»? Cilat jetëshkrime kemi shqyrtuar deri tani?
2 Simpoziumi «Cilësia e besimit tonë sprovohet nga prova të ndryshme» dha tri arsye kryesore se përse Jehovai e lejon përndjekjen. A mund të shpjegojmë se cilat janë? Cila është baza biblike për asnjanësinë tonë të krishterë? Çfarë u inkurajuam të bënim për t’u përgatitur për sfidat që paraqet qëndrimi ynë asnjanës? Në ç’mënyrë i sjellim lavdi Jehovait duke qëndruar besnikë në sprova?
3 Veçanërisht cilat skena ju forcuan në dramën «Të qëndrojmë të patundur në kohë vështirësish»? Si mund të jemi ngjashëm Jeremisë?
4 Cilat ndryshime domethënëse që pritet të ndodhin e që çojnë drejt ditës frikësuese të Jehovait, përshkroi fjalimi publik «Skena e kësaj bote po ndryshon»? Tek dëgjuam fjalimin përmbyllës «Të jemi të bollshëm në vepra të shkëlqyera si lajmëtarë të zellshëm të Mbretërisë», si e lidhëm këtë informacion me shërbimin që bëjmë ne vetë?
5 Pika kryesore për t’u zbatuar: Sikurse u shpjegua në fjalimin «Të tregohemi mirënjohës», në ç’mënyrë mund të tregojmë se sa e thellë është mirënjohja jonë për Jehovain? Në fjalimin kyç «Lajmëtarë të Mbretërisë të mbushur me zell», zellin e kujt u inkurajuam të imitojmë? Çfarë vetëshqyrtimi u ftuam të bëjmë?
6 Simpoziumi «Profecia e Mikeas na jep forcë që të ecim në emrin e Jehovait», theksoi që duhet të plotësojmë tri kërkesa për të marrë favorin e Jehovait. Cilat janë ato? A janë të arritshme? (Mik. 6:8) Sipas fjalimit «Të mbajmë dëlirësinë morale duke ruajtur zemrën» në cilat mënyra duhet të qëndrojmë të pastër moralisht? Fjalimi «Ruhuni nga mashtrimi», në cilat fusha na paralajmëroi që të mos mashtrohemi e të mos i mashtrojmë të tjerët?
7 Cilat pika praktike nga simpoziumi «Lajmëtarë të Mbretërisë që i japin lavdi shërbimit të tyre» kemi filluar të zbatojmë në shërbimin tonë? Në fjalimin «Bisedat frymore ndërtojnë», u analizua Filipianëve 4:8. Në ç’mënyrë na ndihmon ky shkrim që në bisedat tona të flasim për gjëra frymore dhe kur duhet ta bëjmë këtë?
8 Fjalimi «Të besojmë plotësisht te Jehovai në kohë vështirësish» tregoi se si mund të përballojmë ngjarjet tragjike, vështirësitë financiare, shëndetin e dobët, problemet familjare dhe dobësitë tona të vazhdueshme. Si mund të tregojmë që kemi besim te Jehovai kur hasim situata të tilla?
9 Thesare të reja frymore: U kënaqëm që morëm librin e ri Të adhurojmë të vetmin Perëndi të vërtetë. Si ndikoi te ne njoftimi që shpjegonte qëllimin e tij? Si një libër i dytë studimi, përse themi se do të jetë një ndihmë në veprën tonë të bërjes së dishepujve?
10 Më pas u prezantua në gjuhën angleze e italiane libri i bukur Le t’i afrohemi Jehovait. Cilat janë disa nga veçoritë e tij? Cilat ilustrime na pëlqejnë veçanërisht? A na ka afruar më tepër me Jehovain leximi i këtij libri? Kush tjetër mund të nxjerrë dobi prej tij?
11 Kongresi krahinor «Lajmëtarë të zellshëm të Mbretërisë» siguroi inkurajimin frymor që na duhet për të përballuar këto kohë të vështira. Prandaj, për të nxjerrë plotësisht dobi nga kjo masë e jashtëzakonshme frymore, le të bëjmë çmos për të mos e harruar atë që u tha, ta çmojmë atë që morëm dhe ta zbatojmë atë që mësuam. (2 Pjet. 3:14) Një gjë e tillë do të na forcojë të ruajmë integritetin tonë dhe që të jemi lajmëtarë të zellshëm të Mbretërisë, duke imituar Zotërinë tonë Jezu Krisht. E gjithë kjo do t’i sjellë lavdi Jehovait.—Filip. 1:9-11.