Një lutje falënderimi për ty, Jehova!

1. Oh, sa i ëmbël ësht’ zëri i zemrës,

nga mirënjohja për ty, Ati im!

Lidhja me ty më e çmuar se jeta,

çdo dit’ me ty merr kuptim dhe qëllim.

Erdha në drit’ i ngarkuar me faje,

por ti më fal dhe mëkatet i fshin.

Faleminderit që je i mëshirshëm,

faleminderit për gjith’ mirësin’!

2. Dhe pse jam pluhur që era fryn tutje,

Ti më tërhoqe, më more në gji.

Më udhëheq nëpër shtigjet e jetës,

dhe më mëson si të shfaq dashuri.

Ësht’ fryma jote si zjarr brenda meje,

ndaj s’mund të hesht se kam forc’ e guxim.

Për çdo të mir’, çdo dhurat’ të përsosur,

faleminderit me shpirt, Ati im!