Wan sëmbë di dëdë sa toona libi baka u?

Dëdë ta du ku hii u tuu. Ma te wan sëmbë dëdë, hën da an sa toona libi nöiti möön u? Sëmbë an o mëni soni fëën möön u? U sa dë ku di mëni taa woo si ën baka u?

LUKU ANDI DI BËIBEL TA TAKI:

GADU AN O FËËKËTË DEE SËMBË DEE DËDË

„Hii dëdë sëmbë tuu [dee Gadu ta mëni] . . . o weki kumutu a geebi toona ko ku libi baka.”​—Johanisi 5:28, 29.

Gadu an ta fëëkëtë dee sëmbë dee dëdë. A o weki dee sëmbë dee dë nëën pakisei, ko a libi baka.

SËMBË DI DËDË O WEKI KO A LIBI BAKA A GOONLIBA AKI

„Te sëmbë dëdë de o toona weki baka, dee bi libi bunu a Masa Gadu wojo ku dee an bi libi bunu tuu.”​—Tjabukama 24:15.

Milionmilion sëmbë o weki ko a libi baka, nöö de o libi fiifii u teego.

U SA BIIBI TAA SËMBË DI DËDË SA TOONA KO A LIBI BAKA

„[Gadu] ta konda hii dee teeja. A ta kai hii de tuu a de në.”​—Psalöm 147:4.

U di Gadu sa kai hii dee teeja a de në, mbei u sa dë seiki taa an o taanga dëën faa mëni dee sëmbë dee a o weki ko a libi baka.