Kumutu a di ten u di Gaan Wata te dou di ten dee Isaëli sëmbë kumutu a katibo a Egepiti

Aiti sëmbë wanwan tö bi pasa di Gaan Wata libilibi, ma bakaten de bi ko dë möön hia te dou sömëni dusu. Nöö 352 jaa pasa baka di Gaan Wata, hën de pai Abahamu. U ta lei fa Gadu hoi ënseei a di buka fëën u di a da Abahamu wan womi mii, Isaki. Nöö u dee tu womi mii u Isaki, Jakopu hën Gadu bi tei.

Di wosudendu u Jakopu bi bigi seei. A bi a’ 12 womi mii ku wan tu mujëë mii. Dee 10 womi mii u Jakopu bi buuse di möön njönku baaa u de, Josëfu, nöö de bi sei ën ko saafuma u Egepiti. Bakaten Josëfu bi toon wan nëbai tiima u Egepiti. Di wan gaan hangi bi ko, Josëfu bi pooba dee baaa fëën luku ee hati u de bi ko limbo. Te u kaba fëën, hii di wosudendu u Jakopu, dee Isaëli sëmbë, bi foloisi go a Egepiti. Di soni aki pasa 290 jaa baka di de bi pai Abahamu.

A dee 215 jaa dendu dee ko a baka, dee Isaëli sëmbë bi libi a Egepiti. Baka di Josëfu dëdë, de bi ko toon saafu u di köndë dë. Bakaten, de bi ko pai Mosesi, nöö Gadu tei ën u puu dee Isaëli sëmbë a katibo a Egepiti. Te u konda hii dee jaa, nöö Pisi TU ta taki u soni di pasa a 857 jaa dendu.