Ko sa’ u öndösuku soni möön bunu

Soni di sa heepi dee mii

Mama ku tata abi di faantiwöutu u heepi dee mii u de u de ko sabi soni u Jehovah (Ef. 6:4). Di ölganisaasi u Jehovah mbei sömëni soni u heepi mama ku tata u de sa lei dee mii u de soni. Unfa i sa wooko ku dee soni aki u lei di mii fii soni?

• Suku dee soni aki a jw.org. I sa feni hii dee soni di de mbei da mii a jw.org. I sa feni fëlön ku soni ka de sa sikifi nasö teeken tu.a Fii sa feni dee soni dë, nöö a bunu fii sikifi „Piki mii” nasö „njönkuwan” a di pisi ka i ta suku soni.

• Suku soni di di mii fii abi fanöudu. Dee soni dee dë a di pisi „Kinderen”, sa heepi i fii feni dee soni dee di mii fii abi fanöudu. Fii sa feni so u de, nöö i sa go a di pisi „Projecten voor kinderen”, baka di dë nöö zin a „Projecten voor gezinsaanbidding”.

• I musu abi ten da di mii fii. Köni taa ja ta mbei di mii fii ta luku dee fëlön ku dee buku fuu hën wanwan nöö u di i kë fu a ta abi wan soni u du. Ka fii du di soni dë, nöö a bi o möön bunu fii ku ën ta lei soni a de makandi, sö taa i sa heepi ën fëën ku Jehovah ko dë möön gaan mati.