1 Dikronike

26 Bakeng sa lihlopha tsa balebeli ba liheke: Ho Bakora,+ e le Meshelemia mora oa Kore oa bara ba Asafe. 2 Meshelemia o ne a e-na le bara: Zakaria e le letsibolo, oa bobeli e le Jediaele, oa boraro e le Zebadia, oa bone e le Jathaniele, 3 oa bohlano e le Elame, oa botšelela e le Johanane, oa bosupa e le Elieho-enai. 4 Obed-edomo o ne a e-na le bara: Letsibolo e le Shemaia, oa bobeli e le Jozabade, oa boraro e le Jooa le oa bone e le Sakare le oa bohlano e le Nethaniele, 5 oa botšelela e le Amiele, oa bosupa e le Isakare, oa borobeli e le Peulethai; etsoe Molimo o ne a mo hlohonolofalitse.+

6 Mora oa hae Shemaia o ile a tsoalloa bara bao e neng e le babusi ba ntlo ea ntat’a bona, etsoe e ne e le banna ba nang le bokhoni, ba matla. 7 Bara ba Shemaia, e ne e le Othni le Refaele le Obede, Elzabade, bao barab’abo bona e neng e le banna ba nang le bokhoni, Elihu le Semakia. 8 Bana bohle e ne e le bara ba Obed-edomo, bona le bara ba bona le barab’abo bona, banna ba nang le bokhoni le matla bakeng sa tšebeletso, ba mashome a tšeletseng a metso e ’meli ba Obed-edomo. 9 Meshelemia o ne a e-na le bara le barab’abo, banna ba nang le bokhoni, ba leshome le metso e robeli. 10 Hosa oa bara ba Merari o ne a e-na le bara. Shimri e ne e le hlooho, kaha e ne e se letsibolo+ empa ntat’ae o ile a mo beha hore e be hlooho; 11 oa bobeli e le Hilkia, oa boraro e le Tebalia, oa bone e le Zakaria. Bara bohle ba Hosa le barab’abo ba ne ba le leshome le metso e meraro.

12 Lihlopheng tsena tsa balebeli ba liheke, banna ba ka sehloohong ba ne ba e-na le mesebetsi e tšoanang hantle le ea barab’abo bona, hore ba sebeletse ntlong ea Jehova. 13 Kahoo ba lahla lotho+ bakeng sa ba banyenyane ka ho tšoanang le bakeng sa ba baholo ka malapa a habo ntat’a bona, bakeng sa liheke tse fapaneng. 14 Joale lotho ea ka bochabela ea oela ho Shelemia. Ba lahla lotho bakeng sa mora oa hae Zakaria, moeletsi+ ea masene, ’me lotho ea hae ea tsoela ka leboea. 15 Ea Obed-edomo ea ea ka boroa, ’me bara ba hae ba e-ba le matlo a polokelo. 16 Ea Shupime le Hosa ea e-ba ka bophirimela haufi le Heke ea Shalekethe tseleng e khōlō e nyolohang, sehlopha sa balebeli se bapelane le sehlopha sa balebeli;+ 17 ka bochabela ho ne ho e-na le Balevi ba tšeletseng; ka leboea e le ba bane ka letsatsi; ka boroa e le ba bane ka letsatsi; le bakeng sa matlo a polokelo, ba tsamaea ka bobeli; 18 bakeng sa mathule ka bophirimela, e le ba bane tseleng e khōlō, ba babeli mathuleng. 19 Tsena e ne e le lihlopha tsa balebeli ba liheke ho bara ba Bakora+ le ho bara ba Merari.

20 Ha e le Balevi, Akija o ne a okametse matlotlo+ a ntlo ea Molimo oa ’nete ’me a okametse matlotlo a lintho tse halalelitsoeng.+ 21 Bara ba Ladane, bara ba Mogershone ba Ladane; lihlooho tsa malapa a habo ntate tsa Ladane Mogershone, e le Jehieli. 22 Bara ba Jehieli, Zethame le Joele mor’abo, ba ne ba okametse matlotlo+ a ntlo ea Jehova. 23 Bakeng sa Baamrame, bakeng sa Baizehare, bakeng sa Bahebrone, bakeng sa Bauziele,+ 24 esita le Shebuele mora oa Gershome mora oa Moshe e ne e le moeta-pele oa matlo a polokelo. 25 Ha e le barab’abo, ba Eliezere+ ho ne ho e-na le mora oa hae Rehabia le mora oa hae Jeshaia le mora oa hae Jorame le mora oa hae Zikri le mora oa hae Shelomothe. 26 Shelomothe enoa le barab’abo ba ne ba okametse matlotlo ’ohle a lintho tse halalelitsoeng,+ tseo Morena Davida le lihlooho tsa malapa a habo ntate, le balaoli ba ba likete le ba ba makholo, le balaoli ba lebotho ba neng ba li halalelitse. 27 Ka lintoa+ le ka thepa e hapuoeng+ ba ne ba halalelitse lintho hore ba boloke ntlo ea Jehova e le boemong bo botle. 28 Hape le tsohle tseo Samuele seboni+ le Saule mora oa Kishe le Abnere+ mora oa Nere le Joabe+ mora oa Tseruja+ ba neng ba li halalelitse. Seo mang kapa mang a neng a se halalelitse se ne se le ka tlas’a taolo ea Shelomithe le barab’abo.

29 Ho Baizehare, Kenania le barab’abo ba ne ba etsa mosebetsi oa ka ntle+ e le balaoli ebile e le baahloli+ ba Iseraele.

30 Ho Bahebrone, Hashabia le barab’abo, banna ba nang le bokhoni, ba sekete le makholo a supileng, ba ne ba okametse tsamaiso ea Iseraele sebakeng sa Jordane ho ea ka bophirimela bakeng sa mosebetsi oohle oa Jehova le bakeng sa tšebeletso ea morena. 31 Ho Bahebrone, Jerija e ne e le hlooho ea Bahebrone ka meloko ea bona ka baholo-holo ba bona. Ka selemo sa mashome a mane+ sa ho busa ha Davida ba ile ba batlisisoa, ’me banna ba sebete, ba matla ba fumanoa har’a bona Jazere+ e Gileade.+ 32 Barab’abo, banna ba nang le bokhoni, ba ne ba le likete tse peli le makholo a supileng, lihlooho tsa malapa a habo ntate. Kahoo Morena Davida a ba abela ho okamela Barubene le Bagade le halofo ea moloko oa Bamanase, bakeng sa taba e ’ngoe le e ’ngoe ea Molimo oa ’nete le taba ea morena.