Dipesaleme

Ho motsamaisi. Maskile.* Pesaleme ya Davida ha Doege wa Moedomo a tla mme a bolella Saule hore Davida o ne a tlile ntlong ya Akimeleke.+

52 Ke hobaneng ha o ithorisa ka diketso tsa hao tse mpe, wena ya matla?+

Lerato la Modimo le dula le le teng ka dinako tsohle.+

2 Leleme la hao le bohale jwalo ka lehare,+

Le rera dintho tse kotsi ebile le bua leshano.+

3 O rata bokgopo ho feta se molemo,

O rata leshano ho feta ho bua dintho tse lokileng. (Selah)

4 O rata mantswe ohle a kotsi,

Wena eo leleme la hao le buang leshano.

5 Ke ka lebaka leo Modimo a tla o diha hore ho fele ka wena.+

O tla o phamola a o ntshe tenteng ya hao.+

O tla o fothola naheng ya ba phelang.+ (Selah)

6 Ba lokileng ba tla bona seo mme ba makale,+

Ba tla mo tsheha.+

7 “Ke enwa motho ya neng a sa etsa Modimo setshabelo sa hae.+

O ne a tshepile maruo a hae a mangata+

A bile a tshepile* maqheka a hae a bolotsana.”*

8 Ke tla ba jwalo ka sefate sa mohlwaare se behang haholo ka tlung ya Modimo.

Ke tshepile hore Modimo o tla nthata*+ ka ho sa feleng.

9 Ke tla o rorisa ka ho sa feleng hobane o nkile bohato.+

Ke tla tshepa lebitso la hao+

Ka pela batho ba o tshepahallang ka ha le molemo.