Dipesaleme
Pina ya Davida, ha a ne a le lefeelleng la Juda.+
63 Modimo, o Modimo wa ka, ke dula ke o batla.+
Ke o hloka jwalo ka motho ya nyoretsweng metsi.+
Ke feletswe ke matla hobane ke o hopotse
Naheng ena e omeletseng, moo ho se nang metsi.+
2 Ke o bone sebakeng sa hao se halalelang.
Ke bone le matla a hao le kganya ya hao.+
4 Ke tla o rorisa bophelo bohle ba ka.
Ke tla phahamisa matsoho a ka mme ke o rapele ke bitsa lebitso la hao.
5 Ke kgotsofetse hobane o mpha dintho tse molemo le tse ntlehadi,
Ke tla o rorisa ka molomo wa ka ke thabile.+
6 Ke o hopola ke le betheng ya ka.
Ke nahanisisa ka wena bosiu bohle.+
8 Ke o kgomaretse.
Letsoho la hao le letona le ntshwere ka tiyo.+
9 Empa ba batlang ho mpolaya
Ba tla theohela tlase lebitleng.
10 Ba tla fediswa ka bohale ba sabole.
E tla ba dijo tsa diphokojwe.
11 Morena o tla thaba* ka lebaka la Modimo.
Motho e mong le e mong ya hlapanyang ka Modimo o tla nyakalla
Hobane melomo ya ba buang leshano e tla kgutsiswa.