LAEBRARI E INTHANETENG

2 Samuele 8:14

Phetolelo ea Lefatše le Lecha ea Mangolo a Halalelang
- 14 A beha mabotho a lulang setsing sa sesole Edomo.+ Ho Edomo eohle a beha mabotho a lulang setsing sa sesole, eaba Baedomo bohle e ba bahlanka ba Davida;+ Jehova a ’na a pholosa Davida kae kapa kae moo a neng a e-ea teng.+

Pesaleme 60:sehloohwana-12

Phetolelo ea Lefatše le Lecha ea Mangolo a Halalelang
- Ho motsamaisi malebana le Khahla ea Khopotso. Miktame. Ea Davida. Bakeng sa ho ruta.+ Ha a loana le Arame-naharaime le Arame-Zoba, ’me Joabe a qala ho khutla ’me a bolaea Edomo Phuleng ea Letsoai, esita le ba likete tse leshome le metso e ’meli.+
  
  60 Molimo, u re lahlile, u re qhalakantse,+
  U tukile ke bohale. U lokela ho re hlasimolla.+
  
  2 U entse hore lefatše le reketle, u le petsotse.+
  Folisa makhalo a lona, kaha le sisinyehile.+
  
  3 U entse hore batho ba hao ba bone tsietsi.+
  U re noesitse veine e etsang hore re tsamaee re thekesela.+
  
  4 U file ba u tšabang pontšo+
  Hore ba balehe ka ho tsoelipana ka lebaka la seqha. Selah.
  
  5 E le hore baratuoa ba hao ba ka pholosoa,+
  U pholose ka letsoho la hao le letona ’me u re arabe.+
  
  6 Molimo o buile khalalelong ea hae:+
  “Ke tla thaba, ke tla fana ka Shikeme e le kabelo;+
  Ke tla lekanya khohlo ea Sukothe.+
  
  7 Gileade ke ea ka le Manase ke ea ka,+
  Efraime ke qhobosheane ea motho oa ka ea ka sehloohong;
  Juda ke lere la ka la molaoli.+
  
  8 Moabe ke pitsa eo ke hlatsoetsang ho eona.+
  Ke tla lahlela moqathatso oa ka holim’a Edomo.+
  Ke tla hooa ka tlhōlo holim’a Filistia.”+
  
  9 Ke mang ea tla ntlisa motseng o lika-likelitsoeng?+
  Ke mang eo ka sebele a tla ntsamaisa ho ea fihla Edomo?+
  
  10 Na hase uena, Molimo, ea re lahlileng+
  Le ea sa tsamaeeng le mabotho a rōna u le Molimo?+
  
  11 U re thuse mahlomoleng,+
  Kaha poloko ea motho oa lefatše ha e na thuso.+
  
  12 Re tla fumana mafolofolo ka Molimo,+
  Eena o tla hatakela bahanyetsi ba rōna.+