Buka ya Bobedi ya Samuele

5 Ka mora nako, maloko ohle a Iseraele a tla ho Davida Hebrone+ a fihla a re: “Re bana beno.*+ 2 Nakong e fetileng ha Saule e ne e le morena wa rona, ke wena ya neng a etella Iseraele pele ha e ilo lwana.*+ Jehova o itse ho wena: ‘O tla disa setjhaba sa ka sa Iseraele mme o tla ba moetapele wa Iseraele.’”+ 3 Baholo bohle ba Iseraele ba tla Hebrone ho morena mme Morena Davida a etsa selekane le bona+ Hebrone ka pela Jehova. Yaba ba tlotsa Davida hore e be morena wa Iseraele.+

4 Davida o ne a le dilemo di 30 ha e eba morena mme o ile a busa ka dilemo tse 40.+ 5 Ha a le Hebrone o ile a busa Juda ka dilemo tse supileng le dikgwedi tse tsheletseng mme Jerusalema+ teng a busa Iseraele yohle le Juda ka dilemo tse 33. 6 Morena le banna ba hae ba ya Jerusalema ho ya lwantsha Bajebuse+ ba neng ba dula naheng eo. Ba ne ba nyefola Davida ba re: “O ke ke wa kena mona! Esita le difofu le ba holofetseng ba tla o leleka.” Ba ne ba nahana hore Davida a ke ke a hapa motse oo.+ 7 Le ha ho le jwalo, Davida a hapa motse o sireletsehileng wa Sione, oo hona jwale o bitswang Motse wa Davida.+ 8 Letsatsing leo Davida a re: “Ba hlaselang Bajebuse ba sebedise kotopo ya metsi ho bolaya ba holofetseng le ba foufetseng, bao Davida a ba hloileng.” Ke ka hoo ho thweng: “Ba foufetseng le ba holofetseng ba ke ke ba kena ka tlung.” 9 Davida a dula motseng o sireletsehileng. O ne o bitswa* Motse wa Davida. Davida a qala ho haha ho tloha Qubung*+ ho kenella ka hare.+ 10 Ka hoo, Davida a nna a ba matla le ho feta+ mme Jehova Modimo wa mabotho o ne a ena le yena.+

11 Morena Hirame+ wa Tire a romela baromuwa ho Davida, a romela le difate tsa kedare,+ batho ba sebetsang ka mapolanka le ba betlang majwe bakeng sa ho haha marako. Yaba ba qala ho hahela Davida ntlo.*+ 12 Davida o ne a tseba hore Jehova o tiisitse borena ba hae Iseraele+ le hore o entse hore mmuso wa hae o be matla+ molemong wa setjhaba sa hae sa Iseraele.+

13 Davida o ile a ba le direthe+ le basadi ba bangata Jerusalema ha a tswa Hebrone, o ile a ba le bara le baradi ba bangata.+ 14 Ana ke mabitso a bana ba hae ba hlahetseng Jerusalema: Shamua, Shobabe, Nathane,+ Solomone,+ 15 Ibare, Elishua, Nefege, Jafia, 16 Elishama, Eliada le Elifelete.

17 Ha Bafilista ba utlwa hore Davida o tlotsitswe hore e be morena wa Iseraele,+ Bafilista bohle ba tla ho tla lwantsha Davida.+ Ha Davida a utlwa taba ena, a theohela sebakeng se sireletsehileng.+ 18 Jwale Bafilista ba fihla ba hasana Kgohlong* ya Refaime.+ 19 Davida a botsa Jehova+ a re: “Na nka ya ke yo lwantsha Bafilista? Na o tla nthusa hore ke ba hlole?” Yaba Jehova o re ho Davida: “Tsamaya hobane ke tla o thusa hore o hlole Bafilista.”+ 20 Ka hoo, Davida a ya Baale-perazime mme a ba bolaela moo. Yaba o re: “Jehova o hlotse dira tsa ka+ jwalo ka lerako le dihilweng ke metsi.” Ke ka lebaka leo a ileng a bitsa sebaka seo Baale-perazime.*+ 21 Bafilista ba siya medimo ya bona ya ditshwantsho moo mme Davida le banna ba hae ba e lahla.

22 Ha morao Bafilista ba boela ba tla mme ba hasana Kgohlong* ya Refaime.+ 23 Yaba Davida o botsa Jehova empa a mo araba a re: “O se ke wa nyolohela ho bona ka ho toba. Empa o ba pote ka morao mme o ba hlasele o hlaha ka pela dihlahla tsa bakha. 24 Ha o utlwa lerata la masole a tsamayang hodima dihlahla tsa bakha, o a hlasele hanghang hobane Jehova o tla be a o eteletse pele ho ya bolaya masole a Bafilista.” 25 Davida a etsa feela jwalo ka ha Jehova a mo laetse yaba o bolaya Bafilista+ ho tloha Geba+ ho ya fihla Gezere.+