Deuteronoma
32 “Mamelang lona mahodimo mme ke tla bua,
Lefatshe le ke le utlwe mantswe a tswang molomong wa ka.
2 Tayo ya ka e tla na jwalo ka pula,
Mantswe a ka a tla rotha jwalo ka phoka
Jwalo ka pula ya medupe hodima jwang
Le jwalo ka pula e nang haholo hodima dimela.
3 Ke tla bolela lebitso la Jehova.+
Buang ka boholo ba Modimo wa rona!+
4 Ke Lefika, dintho tsohle tseo a di etsang di phethahetse+
Hobane ditsela tsohle tsa hae di na le toka.+
Ha se bana ba hae mme ke molato wa bona.+
Ke moloko o sa lokang le o kgopo!+
Na ha se yena Ntate wa lona ya le bopileng,+
Ya le entseng setjhaba se tiileng?
7 Hopolang matsatsi a kgale,
Hopolang se etsahalletseng meloko e fetileng.
Botsang ntate wa lona mme a ka le bolella,+
Le botse banna ba baholo ba lona mme ba tla le bolella.
8 Ha Ya Phahameng ka ho Fetisisa a ne a fa ditjhaba lefa la tsona,+
Ha a ne a arola bara ba Adama,*+
O ile a behela ditjhaba moedi+
Ho ya ka hore na bara ba Iseraele ba bakae ka palo.+
A mo sireletsa ka hore a mo potapote, a mo hlokomela,+
Le ho mo sireletsa jwalo ka thaka ya leihlo la hae.+
11 Feela jwalo ka ha ntsu e ruta madinyane a yona ho fofa,
E fofafofa hodima ona,
E emisa mapheo a yona, e nka madinyane a yona,
E a jara ka masiba a yona,+
O ne a mo fepa mahe a dinotshi a tswang lefikeng
Le oli e tswang lefikeng le thata,
14 Botoro e tswang lebeseng la mohlape wa dikgomo le lebese le tswang mohlapeng wa dinku le dipodi
Ha mmoho le dinku tse ntle ka ho fetisisa,*
Le diramo tsa Bashane le dipodi tse tona
Ha mmoho le koro e ntle ka ho fetisisa+
Mme o ile wa nwa veine ya morara o tutsweng.*
15 Ha Jeshurune* a nona, o ile a fetohela monga hae mme a mo raha.
O nonne, o motenya ebile o pipitletswe.*+
Ka hoo, a lahla Modimo ya mo entseng+
A hloya Lefika la poloko ya hae.
16 Ba ile ba mo halefisa ka medimo e meng,+
Ba ne ba mo utlwisa bohloko ka ho etsa dintho tse nyonyehang.+
17 Ba ne ba etsetsa bademona mahlabelo, eseng Modimo,+
Medimo eo ba sa kang ba e tseba,
E metjha e sa tswa hlaha,
Medimo eo baholoholo ba lona ba neng ba sa e tsebe.
18 Le lebetse Lefika le ileng la le tswala+
Mme ha le a ka la hopola Modimo ya ileng a le fa bophelo.+
21 Ba nkgalefisitse* ka ntho eo eseng modimo,+
Ba nkutlwisitse bohloko ka ditshwantsho tsa bona tse rapelwang tse se nang thuso.+
Ka hoo, ke tla etsa hore ba halefele batho bao eseng setjhaba,+
Ke tla ba kgopisa ka setjhaba se se nang kelello.+
22 Kgalefo ya ka e tsositse mollo+
O tla tuka ho fihlela botebong ba Lebitla*+
O tla tjhesa lefatshe le dihlahiswa tsa lona
O tla tjhesa metheo ya dithaba.
23 Ke tla eketsa ditlokotsi tsa bona,
Metsu ya ka e tla fella hodima bona.
Ke tla romela meno a diphoofolo ho bona+
Le tjhefo ya dihahabi tsa lefatshe.
25 Ka ntle, sabole e tla ba amoha bana,+
Ka hare ke tshabo,+
Ho mohlankana le morwetsana,
Lesea ha mmoho le motho ya moriri o moputswa.+
26 Nka be ke itse: “Ke tla ba hasanya,
Ke tla etsa hore batho ba ba lebale,”
27 Hoja ebe ke ne ke sa tshabe hore na sera sa ka se tla reng+
Hobane bahanyetsi ba ka utlwisisa sena ka tsela e fosahetseng.+
Ba ka nna ba re: “Re hlotse ka matla a rona,+
Ha se Jehova ya entseng sena sohle.”
29 Haeba ba ne ba le bohlale,+ ba ne ba tla nahanisisa ka sena.+
Ba ne ba tla nahana ka se tla ba etsahalla.+
Ntle le haeba Lefika la bona le ba rekisitse+
Mme Jehova a nehelane ka bona.
Merara ya bona ke merara e tjhefo,
Masihla a yona a a baba.+
33 Veine ya bona ke tjhefo ya dinoha
Tjhefo e bolayang ya bo masumu.
35 Phetetso ke ya ka le kotlo ke ya ka,+
Ka nako e behilweng ha maoto a bona a thella+
Hobane letsatsi la koduwa ya bona le haufi
Mme se ba emetseng se tla tla ka potlako.’
36 Ka ha Jehova o tla ahlola batho ba hae+
Mme o tla utlwela bahlanka ba hae bohloko*+
Ha a bona hore ha ba sa na matla
Mme ho setse feela ba hlokang thuso le ba fokollwang ke matla.
37 Jwale o tla re, ‘Medimo ya bona e hokae,+
Lefika leo ba batlileng setshabelo ho lona,
38 E neng e ja mafura a mahlabelo* a bona,
E nwa veine ya dinyehelo tsa bona tsa dino?+
E ke e eme mme e le thuse.
E ke e be setshabelo sa lona.
Ke a bolaya ebile ke a phedisa.+
41 Haeba ke leotsa sabole ya ka e benyang
Mme ke itokisetsa ho ahlola,+
Ke tla iphetetsa ho bahanyetsi ba ka+
Mme ke otle ba ntlhoileng.
42 Ke tla etsa hore metsu ya ka e tahwe ke madi
Mme sabole ya ka e tla ja nama
Le madi a ba bolailweng le a batlamuwa
Le dihlooho tsa baetapele ba sera.’
43 Thabang lona ditjhaba ha mmoho le batho ba hae+
Hobane o tla pheteletsa madi a bahlanka ba hae,+
O tla iphetetsa ho bahanyetsi ba hae,+
O tla etsa sehlabelo sa ho tshwarelwa dibe* naheng ya batho ba hae.”
44 Ka hoo, Moshe a tla mme a bua mantswe ohle a pina ena moo setjhaba se ntseng se mo utlwa+ ha mmoho le Hoshea*+ mora wa Nune. 45 Ha Moshe a se a boleletse Baiseraele bohle mantswe ana ohle, 46 a re ho bona: “Mamelang mantswe ana ohle ao ke a buang+ e le hore le ka laela bara ba lona hore ba phethe mantswe ohle a Molao ona.+ 47 Ka ha mantswe ana ke a bohlokwa, a bolela bophelo ba lona.+ Ka mantswe ana le ka phela nako e telele naheng eo le tshelang Jordane ho ya e nka.”
48 Jehova a bua le Moshe letsatsing lona lena a re: 49 “Nyolohela thabeng ena ya Abarime+ e leng Thaba ya Nebo+ e naheng ya Moabe, e shebileng Jeriko mme o shebe naha ya Kanana, eo ke e fang Baiseraele hore e be ya bona.+ 50 Jwale o tla shwela* thabeng eo o tlo nyolohela ho yona feela jwalo ka ha abuti wa hao Arone a shweletse Thabeng ya Hore+ 51 hobane ka bobedi ba lona ha le a ka la ntshepahalla hara Baiseraele metsing a Meriba+ ya Kadeshe lefeelleng la Zine mme ha le a ka la nkgalaletsa ka pela setjhaba sa Iseraele.+ 52 O tla bona naha o le hole empa o ke ke wa kena naheng eo ke e fang setjhaba sa Iseraele.”+