POTSO YA 17
Bibele e ka thusa lelapa la hao jwang?
BANNA/BONTATE
“Banna le bona ba rate basadi ba bona jwalo ka ha ba rata mmele ya bona. Monna ya ratang mosadi wa hae o a ithata hobane ha ho motho ya kileng a hloya mmele wa hae empa o a o fepa le ho o baballa . . . E mong le e mong wa lona o lokela ho rata mosadi wa hae jwalo ka ha a ithata.”
“Bontate, le se ke la halefisa bana ba lona empa le tswele pele ho ba hodisa ka ho ba kgalemela le ho ba tataisa ka tsela eo Jehova a e batlang.”
BASADI
“Mosadi le yena o lokela ho hlompha monna wa hae haholo.”
“Lona basadi, le ikokobeletse banna ba lona hobane Morena o lebeletse hore le etse jwalo.”
BANA
“Bana, le mamele batswadi ba lona feela jwalo ka ha Morena a batla hobane ho etsa jwalo ho nepahetse. Taelo ya pele e tsamayang le tshepiso ke ena: ‘Hlompha ntate wa hao le mme wa hao e le hore dintho di o tsamaele hantle le hore o phele nako e telele lefatsheng.’”
“Bana, le mamele batswadi ba lona dinthong tsohle hobane ha le etsa jwalo le thabisa Morena.”