Batjha​—“Tjhesehelang Mesebetsi e Metle”

Lengolong la hae le buduletsweng le yang ho Tite, moapostola Pauluse o ile a re banna ba batjha ho akarelletsa le Tite ba ikitlaetse ka matla ho ba ‘mehlala ya mesebetsi e metle dinthong tsohle.’ (Tit 2:6, 7) Ha morao kgaolong eo, o ile a bontsha hore batho ba Jehova ba hlwekisitswe e le hore ba “tjhesehele mesebetsi e metle.” (Tit 2:14) E meng ya mesebetsi e metle ke ho bolela le ho ruta ka Mmuso wa Modimo. Haeba o motjha, na o ka sebedisa matla a hao hore o be pulamadiboho ya thusang kapa ya ka mehla?​—⁠Lipr 20:29.

Haeba o ka rata ho sebeletsa o le pulamadiboho, etsa kemiso eo o tla kgona ho e kgomarela e le hore o be pulamadiboho. (Lu 14:28-30) Ka mohlala, o tla kwala ditshenyehelo tsa hao jwang ha o ntse o le tshebeletsong ya nako e tletseng? O tla finyella dihora tse lebelletsweng jwang? Rapella thuso ya Jehova. (Pes 37:5) Buisana le batswadi ba hao le batho ba atlehileng ho ba bopulamadiboho ka seo o se rerileng. Ebe o nka mehato e loketseng ho finyella seo o se rerileng. Ka sebele Jehova o tla hlohonolofatsa boiteko le tjheseho eo o e bontshang tshebeletsong ya hae.

SHEBELLANG VIDEO E RENG BATJHA BA TLOTLISANG JEHOVA, EBE KA MORA MOO LE ARABA DIPOTSO TSE LATELANG:

• Batjha ba bang ba hlotse diphephetso dife e le hore ba sebeletse e le bopulamadiboho, hona ba kgonne ho di hlola jwang?

• Batswadi ba ka thusa bana ba bona jwang hore e be bopulamadiboho ba ka mehla?

• Ke hobaneng ha ho le bohlokwa hore motho a be le kemiso ya ho ya tshimong?

• Ditho tsa phutheho di ka thusa le ho kgothatsa bopulamadiboho jwang?

• Bopulamadiboho ba fumana ditlhohonolofatso dife?