Nka Kamano ya Hao le Jehova e le ya Bohlokwa

Dipaki Tsa Jehova di na le tlotla e kgethehileng. Jwalo ka ha re le Bakreste ba inehetseng le ba kolobeditsweng re tswela pele re matlafatsa kamano ya rona le Mmusi Morena Jehova. O re huletse ho yena a sebedisa Mora wa hae. (Joh 6:44) O mamela dithapelo tsa rona.​—Pes 34:15.

Re ka sirelletsa kamano ya rona e kgethehileng le Modimo jwang? E le hore re dule re na le kamano e ntle le yena, re lokela ho qoba dintho tse mpe tseo Baiseraele ba ileng ba di etsa. Nakwana ka mora ho etsa selekane le Jehova, ba ile ba etsa namane ya kgauta mme ba qala ho rapela ditshwantsho. (Ex 32:7, 8; 1Ko 10:7, 11, 14) Ipotse: ‘Ke etsang ha ke lekeha ho etsa se fosahetseng? Na dintho tseo ke di etsang di bontsha hore ke ananela kamano ya ka le Jehova?’ Lerato leo re ratang Ntate wa rona ya lehodimong ka lona le tla re thusa hore re balehele dintho tseo a di hloileng.​—Pes 97:10.

SHEBELLA VIDEO E RENG LEBELA KAMANO YA HAO LE JEHOVA (KOL 3:5), EBE O ARABA DIPOTSO TSE LATELANG:

• Ho tjhatjheha ka mohono ho bolelang?

• Ke hobaneng ha re lokela ho qoba ho ba meharo le borapedi ba ditshwantsho?

• Bofebe bo tshwana jwang le borapedi ba ditshwantsho?

• Ke hobaneng ha ho le bohlokwa le ho feta hore batho ba nang le boikarabelo ka phuthehong ba hlokomele ditlhoko tsa balekane ba bona?