Popo e Etsa Hore re Tshepe Bohlale ba Jehova Haholwanyane

Na Jehova o dula a tseba se molemo bakeng sa rona? Ho jwalo. Ka ha re kgolwa sena, re bontsha bohlale ka ho mamela tataiso ya Jehova. (Lipr 16:3, 9) Ka dinako tse ding, ho ka ba thata hore re tshepe tataiso ya Jehova haeba re sa bone dintho jwalo ka yena. Re ka tshepa bohlale ba Jehova haholwanyane ka hore re nahanisise ka dintho tseo a di bopileng.​—Lipr 30:24, 25; Bar 1:20.

SHEBELLANG VIDEO YA NA E ENTSWE? DIKOKWANYANA DI TSAMAYA JWANG KA TSELA E HLOPHISEHILENG? EBE LE ARABA DIPOTSO TSE LATELANG:

• Dikokwanyana tse ngata di dula di etsang?

• Dikokwanyana di kgona ho tsamaya jwang ka tsela e hlophisehileng?

• Batho ba ka ithutang tseleng eo dikokonyana di tsamayang ka yona?

SHEBELLANG VIDEO YA NA E ENTSWE? DINOTSHI TSE BITSWANG BUMBLEBEE DI KGONA JWANG HO LAOLA TSELA EO DI FOFANG KA YONA? EBE LE ARABA DIPOTSO TSE LATELANG:

• Ke mathata afe ao bakganni ba difofane ba kopanang le ona ha ba fofisa difofane tse nyane?

• Notshi e bitswang bumblebee e kgona jwang ho fofa le hoja ho na le moya o matla?

• Batho ba ka rua molemo jwang ha ba ka sebedisa bohlale ba notshi e bitswang bumblebee?

Ke dintho dife tseo Jehova a di bopileng tse bontshang bohlale ba hae tseo o ileng wa di bona sebakeng seo o dulang ho sona?