Re Hloka Lefatshe le se Nang Mathata
Mongodi kakaretso wa Matjhaba a Kopaneng António Guterres o ile a re: “Re phela lefatsheng le tletseng mathata.” Na o dumellana le yena?
Ditabeng ho hlaha dintho tse re nyahamisang tse kang:
Mafu a sewa le malwetse
Dikoduwa tsa tlhaho
Bofutsana le tlala
Ho silafala ha tikoloho le ho fetoha ha maemo a lehodimo
Bokebekwa, merusu le bobodu
Dintwa
Re hloka lefatshe le se nang mathata, moo ho tla ba le:
Bophelo bo botle
Tshireletseho
Dijo tse ngata
Tikoloho e hlwekileng
Toka
Kgotso
Lefatshe le se nang mathata ke le jwang?
Ho tla etsahalang ka lefatshe leo re phelang ho lona hona jwale?
Ke eng seo re ka se etsang e le hore re phele lefatsheng le molemo?
Makasine ena ya Tora ya ho Lebela e na le ditemana tsa Bibele tse tla araba dipotso tsena le tse ding.