Selelekela sa Karolo ya 5

Dikgwedi tse pedi ka mora hore Baiseraele ba tshele Lewatle le Lefubedu, ba ile ba fihla Thabeng ya Sinai. Ha ba le moo, Jehova o ile a etsa selekane le bona sa hore ke setjhaba sa hae se kgethehileng. O ile a ba sireletsa, a ba hlokomela ka sohle seo ba se hlokang, a ba fa manna, diaparo le sebaka se sireletsehileng. Haeba o motswadi, thusa ngwana wa hao hore a utlwisise lebaka le entseng hore Jehova a fe Baiseraele Molao, a ba laele hore ba etse tabernakele le ho kgetha baprista. Mo bontshe bohlokwa ba ho phetha seo re se tshepisitseng, ba ho dula re ikokobeditse le ho tshepahalla Jehova.