“Ba Bonolo ba Tla Rua Lefatshe”
Bongata ba rona re kile ra bona ha batho ba lokileng ba hlekefetswa ke batho ba kgopo. Na ho na le nako eo ka yona kgethollo le bokgopo di tla ke di fele?
Pesaleme ya 37 e re fa karabo le tataiso. A re ke re boneng hore na e reng mabapi le dipotso tsa bohlokwa tse latelang.
Re lokela ho etsang ha batho ba re hlorisa?—Temana ya 1 le 2.
Ho tla etsahalang ka batho ba kgopo?—Temana ya 10.
Ho tla etsahalang ka batho ba lokileng?—Temana ya 11 le 29.
Keng seo re lokelang ho se etsa hona jwale?—Temana ya 34.
Mantswe a kgothatsang a Pesaleme ya 37, a re bolella ka bokamoso bo botle bo tla fumanwa ke batho ba tshepang Jehova mme ba boloka tsela ya hae. Dipaki Tsa Jehova di ka thabela ho o thusa hore o ithute Bibele le ho o bontsha hore na o ka etsang e le hore wena le bao o ba ratang le be le bokamoso bona.