Letsholo le Kgethehileng la ho Phatlalatsa Mmuso wa Modimo ka November

Jesu o ile a “bolela ditaba tse molemo tsa Mmuso wa Molimo.” (Lu 4:43) O ile a boela a ruta batho hore ba rapelle Mmuso oo. (Mat 6:9, 10) Ka November ho tla ba letsholo le kgethehileng la ho phatlalatsa Mmuso wa Modimo. (Mat 24:14) Lokisa mabaka a hao hona jwale e le hore o kgone ho kenya letsoho letsholong lena. Bohle ba sebeletsang e le bopulamadiboho ba thusang ba ka kgetha ho sebetsa dihora tse 30 kapa tse 50 kgweding ena.

Balla batho ba bangata ka moo o ka kgonang mangolo a buang ka Mmuso wa Modimo tshimong ya lona. Ha o kgetha ho bala lengolo le itseng, nahana ka hore na motho eo o mo ballang lona o bodumeding bofe. Ka lekgetlo la pele ha o tlile ho motho mme a bontsha thahasello, mo siele Tora ya ho Lebela No. 2 2020 ya batho bohle. Leka ho kgutlela ho yena ka pele ka moo o ka kgonang mme o qadise thuto ya Bibele le yena o sebedisa se seng sa dingolwa tse hlahang ho Dithulusi Tsa ho Ruta. Haufinyane Mmuso wa Modimo o tla fedisa mebuso ena kaofela e kgahlanong le ona. (Da 2:44; 1Ko 15:24, 25) Ka hoo, e se eka re ka tshehetsa letsholo lena le kgethehileng le re fang monyetla wa ho bontsha hore re tshehetsa Jehova le Mmuso wa hae.