THUTO YA 11

Mafolofolo

Baroma 12:11

KAKARETSO: Bua ka mafolofolo e le hore batho ba o mamele.

Seo o tlo se bua se lokela ho ama pelo ya hao. Ha o ntse o lokisetsa puo ya hao, nahana ka ho teba ka bohlokwa ba molaetsa wa hao. Tseba hore na keng eo o batlang ho bua ka yona e le hore o ka bua ho tswa pelong.
Nahana ka bamamedi ba hao. Nahanisisa hore na seo o se balang kapa seo o se rutang, se tla tswela ba bang molemo jwang. Sebedisa ditsela tse tla etsa hore seo o se buang se tswele bamamedi ba hao molemo.
Phedisa pua ya hao. Bua ka mafolofolo. Sebedisa mmele, matsoho le sefahleho ka tsela e tla bontsha hore na seo o se buang se o ama jwang.

Le ha ho le jwalo, o se ke wa di sebedisa ka tsela e tshwanang ka dinako tsohle hobane seo se ka ferekanya bamamedi ba hao. Sebedisa mmele, matsoho le sefahleho ka tsela e dumellanang le seo o se buang. Bontsha mafolofolo ha o hlalosa dintlha tsa bohlokwa, e le ho thusa bamamedi ba hao ho nka kgato. O se ke wa ba mafolofolo hoo bamamedi ba hao ba ka qetellang ba se ba sa thabele ho o mamela.