Ho ba le Ditshisinyeho Tse Mpe Tsa Lefatshe Turkey le Syria​—Bibele e Reng ka Taba Ee?

Ka Mantaha wa la 6 February 2023, ho ile ha eba le ditshisinyeho tse mpe tsa lefatshe Turkey le Syria.

• “Tshisinyeho e kgolo ya lefatshe e ileng ya etsahala ka Mantaha naheng ya Turkey le karolong e ka leboyabophirimela ya Syria e ile ya bolaya batho ba ka hodimo ho 3 700. Ntho e entseng hore maemo a batho ba tswileng dikotsi le ba lahlehetsweng ke matlo a mpefale le ho feta ke hore ho ne ho bata haholo. Sena se ile sa etsa hore ho be thata hore ho fumanwe batho ba pholohileng.”​—Tlaleho ena e ile ya etswa ke Reuters ka la 6 February 2023.

Re utlwa bohloko haholo ha re bala ka ditlaleho tse tjena. Dinakong tse tshwanang le tsena, Jehova a ka re tshedisa hobane Bibele e re “o tshedisa batho maemong ohle.” (2 Bakorinthe 1:3) O fane ka ‘Mangolo a re tshedisang e le hore re be le tshepo.’​—Baroma 15:4.

Ka Bibeleng re ka ithuta:

• Ka se ileng sa buuwa hore se tla etsahala ka ditshisinyeho tsa lefatshe.

• Hore na re ka fumana matshediso le tshepo hokae.

• Hore Modimo o tla fedisa dintho tsohle tse re utlwisang bohloko jwang.

Ho ithuta hore na Bibele e reng ka dintlha tsena, bala dihlooho tse latelang:

• “Great Earthquakes​—What Did the Bible Prophesy?” (“Ditshisinyeho Tse Kgolo Tsa Lefatshe​—Bibele e Profetileng ka Taba Ee?”)

• “Where Can I Find Hope?” (“Nka Fumana Tshepo Hokae?”)

• “Haufinyane Modimo o Tla Fedisa Mathata Ohle”