Selelekela sa Lentswe la Modimo

Bibele e re tshwaretse molaetsa wa Modimo kapa lentswe la hae. E re bontsha ka moo re ka phelang ka tsela e atlehileng le ka moo re ka amohelwang ke Modimo ka teng. E boetse e araba dipotso tse latelang:

1 Modimo ke mang?
2 O ka ithuta ka Modimo jwang?
3 Ke mang ya ngotseng Bibele?
4 Na Bibele e a nepa ditabeng tsa saense?
5 Bibele e bua kang?
6 Bibele e ile ya profeta eng ka Mesia?
7 Bibele e ile ya re ho tla ba jwang mehleng ena ya rona?
8 Na ke Modimo ya etsang hore batho ba be le mathata?
9 Ke hobaneng ha batho ba utlwa bohloko?
10 Bibele e re tshepisa bokamoso bo jwang?
11 Ho etsahalang ha motho a shwa?
12 Ho tla etsahalang ka bafu?
13 Bibele e reng ka ho sebetsa?
14 O ka sebedisa dintho tseo o nang le tsona hantle jwang?
15 Keng e ka etsang hore o thabe?
16 O ka etsang ha o ena le mathata?
17 Bibele e ka thusa lelapa la hao jwang?
18 O ka atamela ho Modimo jwang?
19 Mangolo a Bibele a bua kang?
20 O ka etsang hore Bibele e o tswele molemo ha o e bala?

KA MOO O KA FUMANANG DITEMANA TSA BIBELE

Bibele ke pokello ya dibuka tse nyenyane tse 66. E arotswe ka dikarolo tse pedi: Mangolo a Seheberu le Searame (“Testamente ya Kgale”) le Mangolo a Segerike (“Testamente e Ntjha”). Buka ka nngwe e arotswe ka dikgaolo le ditemana. Ha ho bontshwa mangolo, nomoro ya pele e hlahang ka mora lebitso la buka ke kgaolo. Dinomoro tse latelang ke ditemana. Ka mohlala, ha ho thwe Genese 1:1, ho bolelwa Genese kgaolo ya 1, temana ya 1.