KAROLO YA 9

Paradeise e Tla Tla Neng?

Mathata a teng lefatsheng a bontsha hore haufinyane Mmuso wa Modimo o tlo kenella. Luka 21:10, 11; 2 Timothea 3:1-5

Mathata a tlwaelehileng a matsatsi a ho qetela—ho betjha, dintwa, ho kula, kgaello ya dijo, ho se mamele batswadi le ho lwantsha ditho tsa lelapa

Bibele e ile ya profeta dintho tse ngata tse etsahalang kajeno. E ile ya bolela hore batho e ne e tla ba ba ratang tjhelete, ba sa mameleng batswadi, ba bohale bo tshosang le ba ratang menate.

Ho ne ho tla ba le ditshisinyeho tse kgolo tsa lefatshe, dintwa, dikgaello tsa dijo le malwetse a mangata. Dintho tsena dia etsahala hona jwale.

Paki ya Jehova e bolella monna e mong ditaba tse molemo tsa Mmuso

Ho feta moo, Jesu o ile a bolela hore ditaba tse molemo tsa Mmuso di ne di tla bolelwa lefatsheng lohle.—Matheu 24:14.

Mmuso o tla fedisa bokgopo bohle. 2 Petrose 3:13

Batho ba kgopo ba a timetswa ka Armagedone mme Satane le bademona ba hae ba fuwa kotlo

Haufinyane Jehova o tla fedisa batho bohle ba kgopo.

Satane le bademona ba tla ahlolwa.

Jesu o dula teroneng ya hae e lehodimong mme batho ba merabe e sa tshwaneng ba thabile

Batho ba mamelang Modimo ba tla pholohela lefatsheng le letjha la ho loka. Ba ke ke ba hlola ba tshaba, ho ena le hoo ba tla tshepana le ho ratana.