O ka Etsang Hore o Hopole Mangolo?

Na o kile wa sokola ho hopola temana ya Bibele eo o e ratang haholo? E ka ba temana e o kgothatsang, e o thusang hore o se ke wa nahana dintho tse fosahetseng, kapa eo o batlang ho e balla motho e mong. (Pes. 119:​11, 111) A re bone tse ding tsa dintho tseo o ka di etsang tse ka o thusang hore o hopole mangolo.

• Sebedisa tag e ho JW Library^® app. Etsa tag e bitswang “Mangolo ao ke a Ratang,” ebe o boloka mangolo ao o batlang ho a hopola ho yona.

• Beha mangolo moo o ka a bonang. Ngola temana eo o batlang ho e hopola leqepheng le lenyenyane, ebe o le beha moo o tla le bona hangata. Ba bang ba le beha seiponeng kapa lemating la foriji. Ba bang bona ba nka senepe sa temana eo ebe ba se beha moo se tla dula se hlahile difounong tsa bona kapa dikhompiyutheng.

• Etsa dikarete tse tla o thusa ho hopola mangolo ha bonolo. Ngola lengolo, kgaolo le temana ka lehlakoreng le leng la karete ebe ka lehlakoreng le leng o ngola mantswe a yona. Ha o shebile ka lehlakoreng le hlahisitseng lengolo, leka ho hopola hore na mantswe a lengolo leo a reng. Ha o shebile lehlakore le hlahisitseng mantswe a temana, leka ho hopola hore na a hlaha lengolong lefe.