Watchtower ONLINE LIBRARY
Watchtower
ONLINE LIBRARY
Sesotho (Lesotho)
  • BIBELE
  • LINGOLOA
  • LIBOKA
  • yc thuto 4 maq. 10-11
  • O Ile a Thabisa Ntate oa Hae le Jehova

Ha ho na video mona.

Ka masoabi ho bile le bothata.

  • O Ile a Thabisa Ntate oa Hae le Jehova
  • Ruta Bana ba Hao
  • Lingoloa Tse Tšoanang
  • O ne a Ratoa ke Molimo le Metsoalle ea Hae
    Molula-Qhooa O Tsebahatsa ’Muso oa Jehova—2011
  • Molimo o Amohela ba Tšepahalangl
    Molula-Qhooa O Tsebahatsa ’Muso oa Jehova (O Ithutoang)—2016
  • Tšepiso ea Jafeta
    Buka ea ka ea Lipale tsa Bibele
  • Tšepiso ea Jafeta
    Ithute Lipaleng Tsa Bibele
Bala Tse Ling
Ruta Bana ba Hao
yc thuto 4 maq. 10-11
Jafeta o qeta nako le morali oa hae ha a ne a le monyenyane

Thuto ea 4

O Ile a Thabisa Ntate oa Hae le Jehova

Jafeta o rapela Jehova ha Baiseraele ba ntse ba loantša lira tsa bona

Jafeta o tšepisa Jehova eng?

Jafeta o tsoa ntoeng ’me o khutlela hae, o haka morali oa hae ea mo khahlanyetsang

Ho ne ho se bonolo, empa morali oa Jafeta o ile a phetha seo ntate oa hae a neng a se tšepisitse

Na u bona ngoanana ea setšoantšong see?— Ke morali oa ntate ea bitsoang Jafeta. Bibele ha e re bolelle lebitso la hae, empa rea tseba hore o ile a thabisa ntate oa hae le Jehova. A re ke re ithute ka eena le ntate oa hae, Jafeta.

Jafeta e ne e le monna ea lokileng ’me o ne a qeta nako e ngata a ruta morali oa hae ka Jehova. Hape e ne e le monna ea matla le moeta-pele ea molemo. Baiseraele ba ile ba mo kōpa hore a ba etelle pele ha ba ne ba loana le lira tsa bona.

Jafeta o ile a rapela Molimo hore a ba thuse ho hlōla ntoa. Jafeta o ile a tšepisa hore ha a ka hlōla, motho oa pele ea tla mo khahlanyetsa ha a khutla, o tla mo fa Jehova. Motho eo o ne a tla phela le ho sebeletsa tabernakeleng ea Molimo bophelo bohle ba hae. Tabernakele e ne e le moo batho ba neng ba rapela Molimo mehleng eo. Jafeta o ile a hlōla ntoeng eo! Na ua tseba hore na ke mang ea ileng a mo khahlanyetsa ha a khutlela hae?—

E, e ne e le morali oa hae! E ne e le ngoana oa hae a le mong feela, joale Jafeta o ne a lokela ho mo lumella hore a e’o sebeletsa tabernakeleng. Sena se ile sa etsa hore Jafeta a utloe bohloko haholo. Empa u hopole hore o ne a entse tšepiso. Hang-hang morali oa hae o ile a re: ‘Ntate, u entse tšepiso ho Jehova, joale u lokela ho e phetha.’

Morali oa Jafeta o roalla patsi e tla sebelisoa tabernakeleng; metsoalle ea hae e ea mo chakela

Selemo le selemo, metsoalle ea morali oa Jafeta e ne e mo chakela

Morali oa Jafeta le eena o ne a utloile bohloko. Ha a le tabernakeleng, o ne a ke ke a nyaloa le ho ba le bana. Empa o ne a batla ho phethahatsa tšepiso ea ntate oa hae le ho thabisa Jehova. Eo e ne e le ntho ea bohlokoa ho feta ho nyaloa kapa ho ba le bana. Kahoo o ile a tloha habo ’me a lula tabernakeleng bophelo bohle ba hae.

Na u nahana hore seo a ileng a se etsa se ile sa thabisa ntate oa hae le Jehova?— E, ho joalo! Haeba u mamela ebile u rata Jehova, u tla tšoana le morali oa Jafeta. Le uena u tla thabisa batsoali ba hao le Jehova haholo.

BIBELENG EA HAO BALA

  • Deuteronoma 6:4-6

  • Baahloli 11:30-40

  • 1 Bakorinthe 7:37, 38

LIPOTSO:

  • Jafeta e ne e le mang? O ile a etsa tšepiso efe?

  • Ke hobane’ng ha ho ne ho le thata hore morali oa Jafeta a etse seo ntate oa hae a neng a se tšepisitse?

  • Ke eng eo morali oa Jafeta a neng a batla ho e etsa ho feta ntho leha e le efe?

  • U ka tšoana le morali oa Jafeta joang?

    Lingoliloeng Tsa Sesotho Lesotho (1985-2026)
    Tsoa
    Kena
    • Sesotho (Lesotho)
    • Romela
    • Ikhethele
    • Copyright © 2025 Watch Tower Bible and Tract Society of Pennsylvania
    • Kamoo e Lokelang ho Sebelisoa
    • Tumellano ea ho Boloka Lekunutu
    • Privacy Settings
    • JW.ORG
    • Kena
    Romela