Kemiso ea Liboka Tsa Tšebeletso

Beke e Qalang ka la 12 February

Pina 6

10 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso.

15 mets: “Tlotlisa Jehova ka Mesebetsi e Metle.”a Akarelletsa le litlhaloso tse tsoang bukeng ea Baboleli, leqepheng la 187, serapeng sa 2-3.

20 mets: “Mokhoa oa ho Susumetsa ba Bang.” Puisano pakeng tsa mokhanni oa Thuto ea Buka ea Phutheho le pula-maliboho kapa mohoeletsi ea atlehang, e thehiloeng sehloohong sa Molula-Qhooa oa May 15, 1998, hammoho le lintlha tse khethiloeng tse ho sona, leqepheng la 21-3. Hlahloba lebokose le leqepheng la 23, “Ho Finyella Pelo ea Seithuti sa Hao.” Ka mor’a ho qoolla tumelo ea bolumeli ba bohata e tloaelehileng sebakeng seo, tšohla mokhoa oa ho kholisa motho ka seo Bibele e se buang ka taba eo.

Pina 208 le thapelo e koalang.

Beke e Qalang ka la 19 February

Pina 221

8 mets: Litsebiso tsa phutheho. Tlaleho ea lichelete.

15 mets: Litlhoko tsa phutheho.

22 mets: “Tsebahatsa Lebitso la Jehova le Mesebetsi ea Hae.”b Moholo o hlahloba litokisetso tse khethehileng tse ntseng li etsoa sebakeng seo bakeng sa tšebeletso e eketsehileng ka March le April, ho akarelletsa le boiteko ba ho khothalletsa ba bangata kamoo ho ka khonehang hore e be bo-pula-maliboho ba thusang. Bua le ba bang bao e bileng bo-pula-maliboho ka April selemong se fetileng hore ba phete hore na ho etsa joalo ho ba tliselitse khotsofalo efe. Tsepamisa mohopolo ho thuseng mohoeletsi e mong le e mong ea tšoanelehang ea sa kopaneleng tšebeletsong hore a kopanele le rōna tšebeletsong hammoho le ho thusa bana le liithuti tse ling tsa Bibele hore ba tšoanelehele ho ba bahoeletsi ba sa kolobetsoang.—Bona Tšebeletso ea Rōna ea ’Muso ea November 2000, Lebokose la Lipotso.

Pina 27 le thapelo e koalang.

Beke e Qalang ka la 26 February

Pina 48

10 mets: Litsebiso tsa phutheho. Litaba tsa Puso ea Molimo. Hopotsa bahoeletsi hore ba tlise litlaleho tsa tšebeletso ea tšimo tsa February.

20 mets: Linehelano Tseo ho Entsoeng Litlhahiso Tsa Tsona Bakeng sa Buka ea Tsebo. Na u na le nehelano eo u e hopotseng bakeng sa ho fana ka buka ea Tsebo ka March? Ha u sheba maqephe a ka morao a litokollo tse fetileng tsa Tšebeletso ea Rōna ea ’Muso, u tla fumana litlhahiso tsa ha ho eteloa motho lekhetlo la pele, tseo tse ngata tsa tsona li nang le likeletso bakeng sa ha ho khutleloa. Hlahloba tse peli kapa tse tharo tsa linehelano tsena tseo ho entsoeng litlhahiso tsa tsona. (March, June, November 1996; June 1997; March 1998) Etsa pontšo ka litlhahiso tse peli tse tokollong ea November 1996 ka ho sebelisa katamelo e tobileng ka ho qalisa lithuto tsa Bibele. Khothalletsa e mong le e mong hore a etse boiteko bo khethehileng ba hore a qale lithuto tse ncha.

15 mets: “Ela Hloko Mesebetsi e Babatsehang ea Molimo.”c Totobatsa lipapiso tse seng kae tse bukeng e ncha tse hahang kananelo bakeng sa boprofeta ba Esaia.

Pina 64 le thapelo e koalang.

Beke e Qalang ka la 5 March

Pina 81

5 mets: Litsebiso tsa phutheho.

18 mets: “Jehova o Fana ka Matla.”d Batla litlhaloso ho bamameli mabapi le hore na mangolo ao a sebetsa joang.

22 mets: “Ho Paka ka Katleho ka Thelefono.”e E fanoe ke molebeli oa tšebeletso. Akarelletsa le khothatso e ho Molula-Qhooa oa December 15, 1999, leqepheng la 23, serapeng sa 17. Hlalosa hore na ke masimo afe a seng a lokiselitsoe ho paka ka thelefono. E-ba le liphihlelo tse seng kae tse khutšoanyane tse bontšang katleho mosebetsing ona sebakeng seo. Haeba e sa sebetse sebakeng seo, karolo ena e ka lokisoa kapa ha tšohloa litlhoko tsa phutheho.

Pina 108 le thapelo e koalang.

[Mongolo o botlaaseng ba leqephe]