Kemiso ea Liboka Tsa Tšebeletso

TLHOKOMELISO: Tšebeletso ea Rōna ea ’Muso e tla ba le kemiso ea Seboka sa Tšebeletso bakeng sa beke e ’ngoe le e ’ngoe likhoeling tsa likopano. Liphutheho li ka ’na tsa etsa liphetoho moo ho hlokahalang e le hore li be teng Kopanong ea Setereke ea “Mesuoe ea Lentsoe la Molimo.” Sebelisa metsotso e 15 Sebokeng sa Tšebeletso sa beke ea pele ho kopano bakeng sa ho pheta likeletso tse tobileng tse kenyeletsong ea October tse tšoanelang sebaka sa lona. Khoeling ea January 2002, ho tla lokisetsoa hore Sebokeng se seng sa Tšebeletso ho hlahlojoe lintlha tse ka sehloohong tsa kopano. Ho itokiselletsa puisano eo, kaofela ha rōna re ka nka lintlha tsa bohlokoa kopanong, ho akarelletsa le lethathamo la lintlha tseo re ratang ho li sebelisa bophelong ba rōna le tšebeletsong ea tšimo. Joale re ka itokisetsa ho hlalosa kamoo re sebelisitseng litlhahiso tseo kateng ka mor’a ho ba teng kopanong. Re tla hahana ha re bolellana kamoo re ruileng molemo taeong e molemo eo re e fumaneng.

Beke e Qalang ka la 12 November

Pina 170

8 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso. Hlahloba tlhokomeliso e ka holimo mabapi le liphetoho Sebokeng sa Tšebeletso le se lokiselitsoeng bakeng sa Seboka sa Tšebeletso sa January 2002, ha ho tla be ho e-na le tlhahlobo ea lintlha tsa sehlooho tsa kopano ea setereke.

15 mets: “Itšetlehe ka Jehova Hore a U fe Matla.”a Akarelletsa le litlhaloso tse khutšoanyane tsa Molula-Qhooa oa October 1, 1999, leqepheng la 18-19, serapeng sa 6-8.

22 mets: “Re na le Kofuto e Ncha ea ho Qalisa Lithuto!” Puisano le bamameli ka molebeli oa tšebeletso. E-re balebeli ba abele e mong le e mong ea leng teng kopi ea pampitšana e ncha ea Na U ka Rata ho Tseba ho Eketsehileng ka Bibele?, haeba e le teng. Akarelletsa le pontšo ea linehelano tse peli tse lokiselitsoeng hantle, u sebelisa litlhahiso tse ka lebokoseng leo sehlooho sa lona se reng “Tsela ea ho Buella Limakasine.” Mohoeletsi e mong o buella Molula-Qhooa oa November 15, ’me e mong o buella Tsoha! ea November 8. Pontšong ka ’ngoe, mohoeletsi o qetella ka ho fa mong’a ntlo pampitšana ea Tseba Bibele—ho ea sa amoheleng limakasine le ho ea li amohelang. Khothalletsa bohle ho fana ka pampitšana e ncha ho batho bohle bao ba kopanang le bona tšebeletsong.

Pina 191 le thapelo e koalang.

Beke e Qalang ka la 19 November

Pina 172

12 mets: Litsebiso tsa phutheho. Tlaleho ea lichelete. Litaba tsa Puso ea Molimo.

15 mets: Litlhoko tsa phutheho.

18 mets: “Ntlafatsang Matla a Lōna a ho Lemoha.”b Moholo o hlahloba lenaneo la letsatsi le khethehileng la kopano ea selemo se fetileng sa tšebeletso.

Pina 195 le thapelo e koalang.

Beke e Qalang ka la 26 November

Pina 177

15 mets: Litsebiso tsa phutheho. Hopotsa bahoeletsi hore ba fe batsamaisi ba thuto ea buka litlaleho tsa bona tsa tšebeletso ea tšimo tsa November. U sebelisa litlhahiso tse sehloohong se reng “Tsela ea ho Buella Limakasine,” etsa lipontšo tse peli tse lokiselitsoeng hantle tsa linehelano tsa limakasine—ho e ’ngoe u sebelise Molula-Qhooa oa December 1 ’me ho e ’ngoe u sebelise Tsoha! ea December 8. Ebe u hlalosa tsela ea ho fumana nehelano e ka sebelisoang ha ho tsamaisoa buka ea Motho e Moholo kapa e ’ngoe ea lingoliloeng tse ka tsamaisoang sebakeng sa eona ka December. Li shebe ho Watch Tower Publications Index tlas’a “Presentations” le sehloohoaneng se reng “List by Publication.” Fana ka mohlala o le mong kapa e ’meli. Hopotsa bohle ho sebelisa pampitšana ea Na U ka Rata ho Tseba ho Eketsehileng ka Bibele?

15 mets: “Nka Fumana Nako Hokae?” Puo le puisano le bamameli. Akarelletsa lintlha tsa sehlooho tsa Molula-Qhooa oa October 1, 2000, leqepheng la 20-1, serapeng sa 9-10, tlas’a sehloohoana se reng “Kamoo ba Bang ba Bulang Monyetla oa ho Ithuta Kateng.” Kōpa bamameli hore ba bolele litsela tse sebetsang tseo ka tsona ba fumaneng nako ea lintho tsa bohlokoa ka ho tlohela mesebetsi e sa hlokahaleng. Totobatsa hore ho hlokahala hore motho a arole nako ea hae e le hore a ka ba le thuto ea botho le ea lelapa, a ba teng libokeng tsa phutheho, a kopanela tšebeletsong ea tšimo le ho bala Bibele kamehla.

15 mets: Bana ba Rorisa Jehova. Puisano le bamameli. Liphutheho tse ngata li na le bana ba bangata ba kopanelang mosebetsing oa boboleli. Ho loketse hore ba etse joalo, le hoja boholo ba nako ba pakela batho ba baholo. (Pes. 148:12, 13; Mat. 21:15, 16) Ha batsoali le bahoeletsi ba bang ba ba thahasella, ba ba koetlisa le ho ba khothatsa, bana ba thaba haholo tšebeletsong ea tšimo. Kōpa bamameli hore ba fane ka litlhahiso tsa litsela tseo ka tsona ba ka kopanyelletsang bana mosebetsing oa ntlo le ntlo le oa maeto a ho boela. Kōpa batsoali hore ba phete seo ba se entseng ho thusa bana ba bona ho ithuta ho tsamaisa limakasine, ho sebelisa Bibele linehelanong tsa bona le ho bua ka kholiseho matlong. Hatella melemo ea ho babatsa bana. Bua le ngoana a le mong eo e leng mohoeletsi kapa ba babeli, ’me u re ba bolele seo ba se thabelang mosebetsing oa ho bolela le lebaka la ho se thabela.

Pina 198 le thapelo e koalang.

Beke e Qalang ka la 3 December

Pina 179

10 mets: Litsebiso tsa phutheho. Babatsa bohle ba ileng ba kopanela phutuhong ea tšimo e sa abuoang. Etsa tlaleho ea se finyeletsoeng ’me u phete liphihlelo life kapa life tse thahasellisang.

15 mets: Litšobotsi tsa buka ea Ho Bea Mabaka. Puisano le bamameli. Hlahloba mehlala e latelang ea kamoo litšobotsi tse sa tšoaneng tsa buka ena li leng molemo haholo kateng ho hlaloseng lithuto tsa Bibele: Litlhaloso tse kang tsa “’Muso” (leqepheng la 336) kapa tsa “moea” (leqepheng la 317); liphetolelo tse sa tšoaneng tse ka bapisoang, tse bontšang hore na lebitso la Molimo le sebelisitsoe hokae ka Bibeleng hona joang (leqepheng la 182-3) kapa ’nete ka lihele (leqepheng la 239-41); mathathamo a qaqisang litumelo tse re arolang malumeling a mang (leqepheng la 246-8) kapa a bontšang kamoo motho a ka tsebang bolumeli bo nepahetseng kateng (leqepheng la 78-9); lintlha tsa histori tse bontšang tšimoloho ea Keresemese (leqepheng la 286-9) kapa ho se jele paate ha Bakreste ba pele (leqepheng la 170-2); bopaki ba saense bo tšehetsang pōpo (leqepheng la 372-3) kapa bo bontšang kotsi ea tšebeliso ea matekoane le koae (leqepheng la 259-61). Khothalletsa bahoeletsi ho sebelisa thuso ena e ntle ea ho ruta neng kapa neng ha menyetla e hlaha tšebeletsong ea tšimo.

20 mets: “Litlhohonolofatso Tsa ho Ananela Lerato la Jehova—Karolo ea 1.”c Ha u hlahloba serapa sa 3-6, kōpa phutheho hore e phete liphihlelo tse khothatsang tseo e bileng le tsona mosebetsing oa ntlo le ntlo, bopaking ba seterateng le maetong a ho boela le lithutong tsa Bibele.

Pina 200 le thapelo e koalang.

[Mongolo o botlaaseng ba leqephe]