Kemiso Ea Liboka Tsa Tšebeletso

Beke e Qalang ka la 8 July

Pina 201

15 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Molebeli oa tšebeletso o bua ka litokisetso tsa tšimo e sa abuoang. Hlahloba lengolo la tšimo e sa abuoang la la 30 May, 2002, lingoliloeng tse tsamaisoang, letsatsi, sebaka se lokelang ho sebetsoa, tokisetso ea marobalo le litokisetso tsa ho tsamaea. Na ba bang e ka ba bo-pula-maliboho ba thusang? Liphutheho tse sa eeng tšimong e sa abuoang li lokela ho hlahloba litokisetso tsa ho sebetsa tšimo e sebetsoang seoelo. U sebelisa litlhahiso tse leqepheng la 4, lokisetsa lipontšo tse peli tsa kamoo ho ka tsamaisoang Molula-Qhooa oa July 15 le Tsoha! ea August 8 kateng. Pontšong ka ’ngoe, bontša tsela e fapaneng ea ho buisana le ea khaoletsang moqoqo ka ho re, “Rōna mona re Bakreste.”—Bona buka ea Ho Bea Mabaka, leqepheng la 19.

10 mets: Lebokose la Lipotso. Puo ka moholo, a bontše hore na taba ena e sebetsa joang phuthehong ea lōna.

20 mets: Ho Itokiselletsa Bopaki bo sa Reroang. Puisano le bamameli ka buka ea Tšebeletso ea Rōna, leqepheng la 93-4. U sebelisa litlhahiso tse kenyelletsong ea Tšebeletso ea Rōna ea ’Muso ea January 2002 leqepheng le ka holimo, lokisetsa lipontšo tse khutšoanyane tse peli kapa tse tharo tsa kamoo motho a ka pakang ka tsela e sa reroang, a pakela motho eo a sa mo tsebeng, moahelani, mong ka eena, kapa motho eo a mo tloaetseng.

Pina 139 le thapelo e koalang.

Beke e Qalang ka la 15 July

Pina 144

10 mets: Litsebiso tsa phutheho. Tlaleho ea lichelete.

15 mets: Litlhoko tsa phutheho.

20 mets: Mabaka a Utloahalang a ho Sebelisa Bibele Tšebeletsong ea Rōna. Puo le puisano le bamameli. Jesu o ne a tseba Mangolo ’me aa qotsa hangata ha a ruta. (Luka 24:27, 44-47) O ne a sa rute lintho tseo a iqapelang tsona. (Joh. 7:16-18) Ke habohlokoa hore le rōna re sebelise Lentsoe la Molimo. Le na le matla a fetang ntho efe kapa efe eo re ka e buang. (Joh. 12:49, 50; Baheb. 4:12) Ba tšepahalang ba hoheloa ke khothatso le tšepo tseo Mangolo a fanang ka tsona. Ho etseng pakane ea lōna ho bala bonyane temana e le ’ngoe ea Bibele nehelanong ea lōna. Bontša hore ho kenyelelitsoe mangolo linehelanong tsa limakasine tsa khoeli ena tse fanoeng e le litlhahiso. Kōpa bamameli hore ba hlalose kamoo ba ’nileng ba sebelisa Bibele kateng tšebeletsong le tsela eo seo se ba ammeng ka eona le ho ama bao ba ba pakelang.

Pina 215 le thapelo e koalang.

Beke e Qalang ka la 22 July

Pina 47

10 mets: Litsebiso tsa phutheho. Motsoali le ngoana ba sebetsang hammoho tšebeletsong ba etsa pontšo ea kamoo ho ka sebelisoang litlhahiso tse leqepheng la 4 tsa ho buella makasine ea August 1 le ea August 8. E mong o buella Molula-Qhooa, ’me e mong o buella Tsoha! Khothalletsa batsoali ho koetlisa bana ba bona mohato ka mohato tšebeletsong.

17 mets: U ka Re’ng ho Motho ea Botsang ka Boislamo? Puo le pontšo. U sebelisa buka ea Moloko oa Batho o Batla Molimo, khaolong ea 12, hakhutšoanyane hlalosa ho tšoana ho teng pakeng tsa Bibele le Koran. (Bona lebokose le leqepheng la 285.) Bontša phapang pakeng tsa seo Maislamo a se rutang ka moea (leqepheng la 297-300) le tlhaloso ea Bibele. (Bona mongolo o botlaaseng ba leqephe leqepheng la 299.) U sebelisa buka ea Ho Bea Mabaka, leqepheng la 312-16, etsa pontšo ea kamoo ho ka hlalosetsoang motho ea sa tsoa thahasella hore na Bibele e re’ng ka moea.

18 mets: Nka Qoba Likotsi Tse ho Internet Joang? Puo le puisano le bamameli, e thehiloeng ho Tsoha! ea February 8, 2000, leqepheng la 19-21. Bontša likotsi tse sa bonahaleng tsa tšebeliso e sa lekanyetsoang ka Internet, ’me u hlalose kamoo motho a ka qobang ho tšoasoa ke leraba la eona. Kōpa bamameli ho hlalosa kamoo ba ruileng molemo kateng ha ba sebelisa keletso ena.

Pina 61 le thapelo e koalang.

Beke e Qalang ka la 29 July

Pina 54

10 mets: Litsebiso tsa phutheho. Hopotsa bahoeletsi hore ba fe balebeli ba thuto ea buka litlaleho tsa bona tsa tšebeletso ea tšimo ea July. Tšohla litokisetso tsa ho qetela tsa tšimo e sa abuoang e qalang ka la 1 August, 2002.

10 mets: “Lenaneo le Lecha la Kopano ea Potoloho.” Puo. Tsebisa letsatsi la kopano ea potoloho e latelang. Khothalletsa bohle ho ba teng le ho mamelisisa lenaneo lena. Khothalletsa bahoeletsi ba sa kolobetsoang ho nahana ka ho tšoanelehela ho kolobetsoa. Etsa boiteko bo khethehileng ba ho mema liithuti tsa Bibele.

25 mets: “E-bang ba Kopantsoeng Hammoho ka Tumellano.”a Ha u hlahloba serapa sa 3, kenyelletsa litlhaloso tsa Tsoha! ea May 8, 2000, leqepheng la 17-18. Serapeng sa 4 teng, kenyelletsa litlhaloso tsa Molula-Qhooa oa April 1, 1995, leqepheng la 16-17, serapeng sa 4-6.

Pina 81 le thapelo e koalang.

Beke e Qalang ka la 5 August

Pina 38

10 mets: Litsebiso tsa phutheho.

20 mets: “Ho Bokella Batho ba Tsoang Lipuong Tsohle.”b Kopanyelletsa le litlhaloso tse Molula-Qhooeng oa April 1, 2002, leqepheng la 24. Haeba ho loketse, hlalosa hakhutšoanyane se etsoang ho thusa ba buang lipuo tse ling tšimong ea phutheho ea lōna, ’me u etse pontšo ka nehelano e serapeng sa 4.

15 mets: Liphihlelo tsa litho tsa phutheho li lokela ho lokisetsoa esale pele. Mema bamameli hore ba phete liphihlelo tse itseng tse hahang mabapi le ho ba teng kopanong ea potoloho kapa kopanong ea letsatsi le khethehileng, ho ba bo-pula-maliboho ba thusang, ho kopanela kahong ea Liholo tsa ’Muso, kapa tšebeletsong e ’ngoe ea moea.

Pina 184 le thapelo e koalang.

[Mongolo o botlaaseng ba leqephe]