LA 3-9 MARCH

MATLOTLO A TSOANG BIBELENG

1. Bontša Hore u Tšepa Jehova

(10 mets.)

Tšepa Jehova ’me u se ke oa itšepa (Pr 3:5; ijwbv sehlooho 14 ¶4-5)

Bontša hore u tšepa Jehova ka hore u batle tataiso ea hae ’me u e latele (Pr 3:6; ijwbv sehlooho 14 ¶6-7)

U se ke oa itšepa ho tlola (Pr 3:7; be 76 ¶4)

Morali oa bo rona ea mocha o sebelisa thabolete ea hae ho etsa lipatlisiso ka lintho tseo a batlang ho li finyella. Ka lehlakoreng la hae le letšehali o behile libukana tsa sekolo. Ka lehlakoreng le letona o behile foromo eo a ka e tlatsang hore a ka eketsa tšebeletso ea hae le bukana e mo fang lintlha ka Bethele.

IPOTSE, ‘Na ke batla tataiso ea Jehova nthong e ’ngoe le e ’ngoe eo ke e etsang?’

2. Matlotlo a Patiloeng

(10 mets.)

Pr 3:3—Re ka tlama lerato le botšepehi melaleng le ho li ngola lipelong tsa rona joang? (w06 9/15 17 ¶7)

Karabo ea hao
U ithutile’ng ’malong oa Bibele oa bekeng ee?

Karabo ea hao

3. ’Malo oa Bibele

(4 mets.) Pr 3:1-18 (th khaolo ea 12)

E-BA MAFOLO-FOLO MOSEBETSING OA BOBOLELI

4. Ha u Qala Moqoqo

(3 mets.) KA NTLO LE NTLO. Bontša hore na u ka araba motho ea u hanyetsang ka tsela eo batho ba tšimong ea heno ba tloaetseng ho hanyetsa ka eona joang. (lmd thuto ea 1 ntlha ea 5)

5. Ha u Qala Moqoqo

(4 mets.) BUA LE BATHO KA BIBELE SETERATENG. Buella websaete ea rona ebe u fa mong’a ntlo karete ea jw.org. (lmd thuto ea 3 ntlha ea 3)

6. Puo

(5 mets.) w11 3/15 14 ¶7-10—Sehlooho: Bontša Hore u Tšepa Molimo ha u Thulana le Batho ba sa Thahaselleng Molaetsa. (th khaolo ea 20)

PHELA JOALOKA MOKRESTE

7. Bontša Hore u Tšepa Mokhatlo oa Jehova

(15 mets.) Puisano.

Ho bonolo ho tšepa tataiso e tsoang Lentsoeng la Molimo e leng Bibele. Empa re ka thatafalloa ke ho mamela tataiso e tsoang ho bahlanka ba Jehova ba sa phethahalang bao a ba sebelisang ho etella pele mokhatlo oa hae, haholo-holo haeba re sa utloisise kapa re sa lumellane le tataiso eo.

Bala Malakia 2:7 ebe u botsa bamameli potso e latelang:

Ke hobane’ng ha re sa lokela ho makatsoa ke taba ea hore Jehova o sebelisa batho ba sa phethahalang ho etella batho ba hae pele?

Karabo ea hao

Bala Matheu 24:45 ebe u botsa bamameli potso e latelang:

Ke hobane’ng ha re lokela ho tšepa tataiso e tsoang mokhatlong oa Jehova?

Karabo ea hao

Bala Baheberu 13:17 ebe u botsa bamameli potso e latelang:

Ke hobane’ng ha re lokela ho tšehetsa liqeto tsa bara ba bo rona bao Jehova a ba tšepetseng ho etella pele?

Karabo ea hao

Mor’abo rona o fa lelapa le leng lijo. O lumelisa ba lelapa a eme hole le bona ba kentse li mask.

Morali oa bo rona oa arabela libokeng. Mor’abo rona o mo tšoaretse mic. Batho bohle ba leng libokeng ba kentse li mask.

Shebellang VIDEO ea 2021 Tlaleho ea Borobong ea Sehlopha se Busang —Karoloana ebe u botsa bamameli potso e latelang:

Tataiso eo re ileng ra e fuoa ka nako ea seoa sa Covid e ile ea etsa hore u tšepe mokhatlo oa Jehova le ho feta joang?

Karabo ea hao

8. Thuto ea Bibele ea Phutheho

(30 mets.) rr khao. 22 ¶23-31 le lebokose la 22A