Re Lokela ho Etsa’ng e le Hore re Khahlise Molimo?

Qoba lintho tse mpe. 1 Bakorinthe 6:9, 10

Haeba re rata Jehova, re ke ke ra etsa lintho tseo a li hloileng.

Jehova ha a batle hore re utsoe, re tahoe kapa re sebelise lithethefatsi hampe.

Molimo o hloile ho bolaea, ho ntša mpa le ho kopanela liphate ha batho ba bong bo tšoanang. Ha a batle hore re be meharo kapa re loane le batho ba bang.

Ha rea lokela ho rapela melimo ea litšoantšo kapa hore re sebelisane le meea.

Lefatšeng la Paradeise le tlang, ha ho na ho ba le batho ba etsang lintho tse mpe.

Etsa se nepahetseng. Matheu 7:12

E le hore re khahlise Molimo, re lokela ho leka hore re tšoane le eena.

Bontša batho ba bang hore ua ba rata ka hore u be mosa u be u fane ka seatla se bulehileng.

Tšepahala.

E-ba mohau u be u tšoarele batho ba bang.

Bolella batho ba bang ka Jehova le litsela tsa hae.—Esaia 43:10.