Tsela ea ho Buella Limakasine

Molula-Qhooa June 15

“Bongata ba rōna re tla qeta boholo ba bophelo ba rōna re sebetsa. Ba bang ba nka hoo e le tlhohonolofatso; ba bang ba ho nka e le thohako. Uena u re’ng? [Emela karabo. Ebe u bala Moeklesia 2:24.] Makasine ena e bontša kamoo Bibele e ka re thusang ho ba le pono e leka-lekaneng ka mosebetsi. E boetse e bua ka tsela ea ho sebetsana le ho imeloa kelellong ho bakoang ke mosebetsi.”

Molula-Qhooa July 1

“Kaofela ha rōna re tseba batho bao ho bonahalang ba atlehile empa ba ntse ba ikutloa hore ho na le ho hong ho haellang bophelong ba bona. U nahana hore ba batla’ng? [Emela karabo. Ebe u bala Matheu 5:3.] Makasine ena e tšohla senotlolo sa bohlokoa sa ho ba le khotso ea kelello—e leng ho khotsofatsa tlhoko ea rōna ea moea.”

Tsoha! July 8

“Lefatšeng la kajeno leo ho lona mosebetsi o fumanehang ka thata, ho hloka mosebetsi ke bothata bo ka sehloohong. Makasine ena e thathamisa litsela tse hlano tsa ho fumana mosebetsi. [Totobatsa lihloohoana tse mongolo o motenya sehloohong se reng “Litsela Tse Hlano Tsa ho Fumana Mosebetsi.”] E boetse e re fa litlhahiso tse sebetsang tsa kamoo mosebetsi o ka bolokoang kateng.” Bala Liproverbia 22:29, e qotsitsoeng leqepheng la 10.

Nehelano e ’ngoe: “Na u nahana hore motse oa rōna e ne e tla ba sebaka se molemo haeba e mong le e mong a ne a phelela mantsoe aa? [Bala Baefese 4:28. Ebe u emela karabo.] Makasine ena e tšohla liphello tse bohloko tseo kaofela re li latsoang ka lebaka la ho utsoa mabenkeleng. E boetse e bontša kamoo ho utsoa mabenkeleng le litlōlo tse ling tsohle tsa molao li tla tloha li fela.”