Ezekieli

36 “Sasa wewe, mwana wa binadamu, toa unabii kuhusu milima ya Israeli na useme, ‘Enyi milima ya Israeli, musikie neno la Yehova. 2 Bwana Mwenye Mamlaka Makubwa Zaidi Yehova anasema hivi: “Adui amesema juu yenu, ‘Aha! Hata mahali pa juu pa zamani pamekuwa mali yetu!’”’+

3 “Kwa hiyo toa unabii na useme, ‘Bwana Mwenye Mamlaka Makubwa Zaidi Yehova anasema hivi: “Kwa sababu, wamewafanya wakuwe ukiwa na kuwashambulia kutoka kila upande, ili mukuwe mali ya wale wenye waliokoka* kutoka kati ya mataifa na watu wanaendelea kusema kuwahusu na kuwachongea,+ 4 kwa hiyo, Enyi milima ya Israeli, musikie neno la Bwana Mwenye Mamlaka Makubwa Zaidi Yehova! Bwana Mwenye Mamlaka Makubwa Zaidi Yehova anaambia hivi milima na vilima, mito midogo na mabonde, mabomoko yenye ukiwa,+ na miji yenye iliachwa yenye vitu vyake vimenyanganywa na yenye imechekelewa na wale wenye waliokoka wa mataifa yenye kuwazunguka;+ 5 Bwana Mwenye Mamlaka Makubwa Zaidi Yehova anawaambia hivi: ‘Katika moto wa bidii yangu+ nitasema juu ya wale wenye waliokoka wa mataifa na juu ya Edomu yote, wale wenye kwa kufurahi sana na kwa zarau kamili*+ wamesema kama inchi yangu ni mali yao wenyewe, ili wakamate malisho yake na kuyanyanganya.’”’+

6 “Kwa hiyo toa unabii kuhusu inchi ya Israeli, na uambie milima na vilima, mito midogo na mabonde, ‘Bwana Mwenye Mamlaka Makubwa Zaidi Yehova anasema hivi: “Angalia! Nitazungumuza katika bidii yangu na katika kasirani yangu kali, kwa sababu mumepatishwa haya na mataifa.”’+

7 “Kwa hiyo Bwana Mwenye Mamlaka Makubwa Zaidi Yehova anasema hivi: ‘Mimi mwenyewe ninainua mukono wangu ili kuapa kwamba mataifa yenye kuwazunguka yatapata haya yao wenyewe.+ 8 Lakini ninyi, Enyi milima ya Israeli, mutatoa matawi na kuzaa matunda yenu kwa ajili ya watu wangu Israeli,+ kwa maana watarudia hivi karibuni. 9 Kwa maana niko pamoja na ninyi, na nitageuka kuwaelekea, na ninyi mutalimwa na kupandwa mbegu. 10 Nitafanya watu wako waongezeke​—⁠nyumba yote ya Israeli, nyumba yote​—⁠na miji itaikaliwa+ na mabomoko yatajengwa upya.+ 11 Ndiyo, nitafanya watu wenu na mifugo yenu viongezeke;+ wataongezeka na kuzaana. Na nitafanya muikaliwe kama vile muliikaliwa zamani,+ na nitafanya musitawi zaidi kuliko zamani;+ na ninyi mutalazimika kujua kwamba mimi ni Yehova.+ 12 Nitafanya watu​—⁠watu wangu Israeli​—⁠watembee juu yenu, nao watawariti ninyi.+ Mutakuwa uriti wao, na hamutafanya tena wakose watoto hata kidogo.’”+

13 “Bwana Mwenye Mamlaka Makubwa Zaidi Yehova anasema hivi: ‘Kwa sababu wanawaambia ninyi, “Wewe ni inchi yenye kumeza watu na kufanya mataifa yako yakose watoto,”’ 14 ‘kwa hiyo, hautameza tena watu wala kufanya mataifa yako yakose watoto,’ ni vile Bwana Mwenye Mamlaka Makubwa Zaidi Yehova anasema. 15 ‘Sitaruhusu tena utukanwe na mataifa wala uchekelewe na watu,+ na hautafanya tena mataifa yako yajikwae,’ ni vile Bwana Mwenye Mamlaka Makubwa Zaidi Yehova anasema.”

16 Na neno la Yehova likakuja tena kwangu, na kusema: 17 “Mwana wa binadamu, wakati nyumba ya Israeli walikuwa wanaishi katika inchi yao, waliichafua kupitia njia zao na matendo yao.+ Njia zao zilikuwa kwangu kama vile uchafu wa siku za kuona mwezi.*+ 18 Kwa hiyo nilimwanga kasirani yangu kali juu yao kwa sababu ya damu yenye walikuwa wamemwanga juu ya inchi,+ na kwa sababu walichafua inchi kwa sanamu zao zenye kuchukiza.*+ 19 Kwa hiyo niliwasambaza kati ya mataifa na kuwatawanya kati ya inchi mbalimbali.+ Niliwahukumu kulingana na njia yao na kulingana na matendo yao. 20 Lakini wakati walifika katika mataifa hayo, watu walichafua jina langu takatifu+ kwa kusema kuwahusu, ‘Hawa ndio watu wa Yehova, lakini walilazimika kutoka katika inchi yake.’ 21 Kwa hiyo nitahangaikia jina langu takatifu, lenye nyumba ya Israeli ilichafua kati ya mataifa kwenye wameenda.”+

22 “Kwa hiyo ambia nyumba ya Israeli, ‘Bwana Mwenye Mamlaka Makubwa Zaidi Yehova anasema hivi: “Sitende kwa ajili yenu, Ee nyumba ya Israeli, lakini kwa ajili ya jina langu takatifu, lenye mumechafua kati ya mataifa kwenye mumeenda.”’+ 23 ‘Hakika nitatakasa jina langu kubwa,+ lenye lilichafuliwa kati ya mataifa, lenye mulichafua kati yao; na mataifa yatalazimika kujua kwamba mimi ni Yehova,’+ ni vile Bwana Mwenye Mamlaka Makubwa Zaidi Yehova anasema, ‘wakati nitatakaswa kati yenu mbele ya macho yao. 24 Nitawatosha katika mataifa na kuwakusanya kutoka katika inchi zote na kuwaingiza katika inchi yenu.+ 25 Nitanyunyiza* maji safi juu yenu, na ninyi mutakuwa safi;+ na nitawatakasa kutokana na uchafu wenu wote+ na kutokana na sanamu zenu zote zenye kuchukiza.+ 26 Nitawapatia moyo mupya+ na kutia roho mupya ndani yenu.+ Nitaondoa moyo wa jiwe+ katika mwili wenu na kuwapatia moyo wa nyama.* 27 Nitatia roho yangu ndani yenu, na nitawafanya mutembee katika masharti yangu,+ na mutashika na kutenda maamuzi yangu ya hukumu. 28 Kisha mutakaa katika inchi yenye nilipatia mababu zenu, na ninyi mutakuwa watu wangu na mimi nitakuwa Mungu wenu.’+

29 “‘Nitawaokoa kutokana na uchafu wenu wote na kuita nafaka na kuifanya ikuwe nyingi, na sitawaletea njaa.+ 30 Nitafanya matunda ya muti na mazao ya shamba yakuwe mingi, ili musipate tena haya ya njaa kati ya mataifa.+ 31 Kisha mutakumbuka njia zenu zenye uovu na matendo yenu yenye hayakukuwa ya muzuri, na ninyi mutajichukia kwa sababu ya hatia yenu na matendo yenu yenye kuchukiza.+ 32 Lakini mujue jambo hili: Sifanye vile kwa ajili yenu,’+ ni vile Bwana Mwenye Mamlaka Makubwa Zaidi Yehova anasema. ‘Tofauti na hilo, musikie haya na mufezeheke kwa sababu ya njia zenu, Ee nyumba ya Israeli.’

33 “Bwana Mwenye Mamlaka Makubwa Zaidi Yehova anasema hivi: ‘Siku yenye nitawatakasa kutokana na hatia yenu yote, nitafanya miji ikaliwe+ na mabomoko yajengwe upya.+ 34 Inchi yenye kuwa ukiwa, yenye ilikuwa imeachwa ukiwa yenye kila mutu mwenye alipita aliiona italimwa. 35 Na watu watasema: “Inchi yenye kuwa ukiwa imekuwa kama bustani ya Edeni,+ na miji yenye ilikuwa mabomoko na yenye ilikuwa ukiwa na yenye ilibomolewa sasa ni mahali kwenye ngome na inaikaliwa na watu.”+ 36 Na mataifa yenye yalibakia kukuzunguka yatalazimika kujua kwamba mimi mwenyewe, Yehova, nimejenga kile chenye kilibomolewa, na nimepanda kile chenye kilikuwa ukiwa. Mimi mwenyewe, Yehova, nimesema, na nimetenda jambo hilo.’+

37 “Bwana Mwenye Mamlaka Makubwa Zaidi Yehova anasema hivi: ‘Nitaacha pia nyumba ya Israeli waniombe niwafanyie jambo hili: Nitafanya watu wao waongezeke kama kundi. 38 Kama kundi la watakatifu, kama kundi la Yerusalemu* wakati wa sikukuu zake,+ miji yenye ilikuwa mabomoko itajaa makundi ya watu;+ nao watalazimika kujua kwamba mimi ni Yehova.’”