Ya Kwanza kwa Watesalonike
4 Mwishowe, ndugu, kama vile mulipata maagizo kutoka kwetu juu ya namna munapaswa kutembea ili kumupendeza Mungu,+ kama vile kwa kweli munatembea, tunawaomba na kuwatia moyo katika jina la Bwana Yesu, muendelee kufanya vile kwa ukamili zaidi. 2 Kwa maana munajua maagizo yenye tuliwapatia ninyi katika jina la Bwana Yesu.
3 Kwa maana haya ndiyo mapenzi ya Mungu, kwamba munapaswa kuwa watakatifu+ na kujiepusha na uasherati.*+ 4 Kila mumoja wenu anapaswa kujua namna ya kuzuia mwili wake*+ katika utakatifu+ na heshima, 5 haiko kwa pupa, tamaa kubwa ya ngono yenye haizuiliwe+ kama ya watu wa mataifa wenye hawamujue Mungu.+ 6 Mutu yeyote hapaswe kuvuka mipaka yenye kufaa na kuumiza ndugu yake katika jambo hili, kwa sababu Yehova* analeta azabu kwa ajili ya mambo haya yote, kama vile tuliwaambia na kuwaonya kwa nguvu wakati wenye ulipita. 7 Kwa maana Mungu hakutuita ili tuishi maisha machafu, lakini alituita ili tukuwe watakatifu.+ 8 Kwa hiyo basi, mutu mwenye anazarau jambo hili, hazarau mwanadamu, lakini anamuzarau Mungu+ mwenye anawapatia ninyi roho yake takatifu.+
9 Lakini, juu ya upendo wa kindugu,+ hamuna lazima sisi tuwaandikie ninyi, kwa maana ninyi wenyewe mumefundishwa na Mungu kupendana.+ 10 Kwa kweli, munafanya vile kuelekea ndugu wote katika Makedonia yote. Lakini, tunawachochea ninyi, ndugu, muendelee kufanya vile kwa ukamili zaidi. 11 Mufanye kusudi lenu likuwe kuishi kwa utulivu+ na kuhangaikia mambo yenu wenyewe+ na kufanya kazi kwa mikono yenu,+ kama vile tuliwaagiza, 12 ili mujiendeshe kwa adabu mbele ya macho ya watu wa inje+ na musikose kitu chochote.
13 Zaidi ya hayo, ndugu, hatutaki mukose kujua juu ya wale wenye wanalala usingizi katika kifo,+ ili musikuwe na huzuni kama vile watu wengine wenye hawana tumaini.+ 14 Kwa maana kama tuko na imani kwamba Yesu alikufa na kufufuliwa,+ vilevile pia, wale wenye wamelala usingizi katika kifo kupitia Yesu, Mungu atawaleta pamoja naye.+ 15 Kwa maana tunawaambia hivi kupitia neno la Yehova,* kwamba sisi wazima wenye tutabakia mupaka kuwapo kwa Bwana hatutawatangulia hata kidogo wale wenye wamelala usingizi katika kifo; 16 kwa sababu Bwana mwenyewe atashuka kutoka mbinguni na mwito wenye amri, pamoja na sauti ya malaika mukubwa+ na tarumbeta ya Mungu, na wale wenye walikufa katika umoja na Kristo watafufuliwa kwanza.+ 17 Kisha pale, sisi wazima wenye tulibakia, pamoja nao, tutachukuliwa katika mawingu+ ili kukutana na Bwana+ katika hewa; na hivyo tutakuwa pamoja na Bwana sikuzote.+ 18 Kwa hiyo muendelee kufarijiana kupitia maneno hayo.