Broshua kwa Ajili ya Watu wa Dini Zisizo za Kikristo

Je! Ulimwengu Usio na Vita Utakuwako Wakati Wowote?

Unapomtolea Myahudi ushahidi, unaweza kusema:

“Wengi wetu tumepatwa na lile jambo la huzuni la kupoteza mpendwa katika kifo. Unafikiri ni jambo gani linalotufikia tunapokufa?” Acha mtu ajibu. Kazia kisanduku ‘Kifo na Nafsi—Ni Nini?’ kwenye ukurasa wa 22 wa broshua. Soma fungu la 17 kwenye ukurasa wa 23 kuhusu ufufuo. Onyesha kwamba mzee wa ukoo Ayubu alikuwa na tumaini la ufufuo. Mtolee broshua, na ufanye mpango wa kurudia ili kuzungumzia maandiko yanayotajwa mwishoni mwa fungu la 17.—km 10/99 uku. 8.

La direction venant de Dieu :

le chemin qui mène au paradis

Unapozungumza na Mwislamu, unaweza kusema:

“Ninafanya jitihada ya pekee ili kuzungumza na Waislamu. Ninaelewa kwamba Waislamu wanaamini Mungu mmoja wa kweli na manabii wote. Je, ni kweli? [Acha mtu ajibu.] Ningependa kuzungumza nawe kuhusu unabii mmoja wa zamani ambao unatabiri kuhusu dunia kugeuka kuwa paradiso. Je, ninaweza kukusomea yale ambayo nabii huyo aliandika? [Acha mtu ajibu. Kisha soma Isaya 11:6-9.] Unabii huu unanifanya nifikirie mtajo mmoja kutoka Qurani ambao unapatikana pia katika broshua hii.” Fungua broshua kwenye ukurasa wa 9, na usome mtajo unaoandikwa kwa herufi nzito nyeusi. Ikiwa anaonyesha kupendezwa, endelea na mazungumzo ya mafungo 7-9 kwenye ukurasa wenye kutangulia.—km 11/99 uku. 8.

La paix et le bonheur sans fin : comment les trouver ?

Unapotoa ushahidi kwa mwanafunzi Mchina, unaweza kusema:

“Hangaiko la kawaida ambalo nimeliona kati ya wanafunzi ni kwamba wote wanapenda amani na furaha. Je, unafikiri kwamba hilo ni jambo la maana? [Acha mtu ajibu.] Je, halingelikuwa jambo bora kuona maneno haya ya zamani yakitimizwa?” Soma Zaburi 37:11, na umtolee broshua—km 3/98 uku. 5.

Nos problèmes—Qui nous

aidera à les résoudre ?

Pamoja na kijana Mhindu, unaweza kusema:

“Bila shaka unamwamini Mungu. Unafikiri kusudi la Mungu ni nini kutuelekea sisi? [Acha mtu ajibu. Kisha soma Mwanzo 1:28.] Mahali pengi duniani kuna watu wengi kupita kiasi na kuna matatizo mengi. Je, unafikiri kwamba Muumba angetaka kutusaidia kutatua matatizo yetu?” Acha mtu ajibu. Kisha umtolee broshua.—km 9/99 uku. 8.

Pourquoi adorer Dieu en

amour et en vérité ?

Utangulizi huu unaweza kumvutia Mhindu aliye na familia:

“Ninatembelea watu wanaohangaishwa na hali ya maisha ya familia katika nchi nyingi leo. Unafikiri ni nini kinachoweza kuunganisha familia? [Acha mtu ajibu.] Watu fulani wanajua yale maandiko ya Kihindu yanasema juu ya familia, lakini hawajapata kamwe nafasi ya kuyalinganisha na yale ambayo Biblia inasema juu ya jambo hilo. Ningependa kushiriki wazo hilo pamoja nawe. [Soma Wakolosai 3:12-14.] Broshua hii inazungumzia maandiko matakatifu ya India na pia yale ya Biblia.” Umtolee broshua, na onyesha ukurasa wa 8-9 na 20-21—km 9/99 uku. 8.

“Tazama! Mimi Ninafanya

Vitu Vyote Kuwa Vipya”

Unaweza kusema hivi kwa mtu mzee mzee ambaye ni Mbudha:

“Huenda wewe ni mwenye kuhangaishwa kama mimi vilevile na wingi wa mawazo yenye kupotosha na matokeo ambayo mawazo hayo yanayo juu ya watoto wetu. Kwa nini kuna ongezeko kama hilo la ukosefu wa adili kati ya vijana? [Acha mtu ajibu.] Je, ulijua kwamba hilo lilitabiriwa katika kitabu ambacho kilianza kuandikwa muda mrefu kabla ya dini ya Kiislamu, Kikristo na Kihindu kuanzishwa? [Soma 2 Timotheo 3:1-3.] Ona kwamba hali hizo ni zenye kuenea ingawa watu wanaendelea kujipatia elimu nyingi. [Soma mstari wa 7.] Kichapo hiki kilinisaidia kuelewa kweli ambayo watu walio wengi zaidi hawajapata kujifunza. Je, ungependa kukisoma?”—km 8/99 uku. 8.