Video Inayoonyesha Maendeleo ya Maana ya Kiganga

Watu wanaoshughulikia mambo ya sheria na ya afya ni wenye kutoa uangalifu zaidi kwenye maoni ya kimaadili ya wagonjwa na haki zao. Jambo hilo limetokeza njia mpya za matunzo ambazo zinaweza kuwafaidi Mashahidi wa Yehova. (Mdo. 15:28, 29) Njia hizo zinaonyeshwa katika video soigner sans transfuser : besoins et droits du patient. Itazameni, na kisha rudilieni mambo mliyojifunza.—Taarifa: Video hiyo inaonyesha wagonjwa fulani wakifanyiwa upasuaji, kwa hiyo wazazi wanapaswa kuwa waangalifu wanapoitazama pamoja na watoto wao wachanga.

(1) Kwa nini waganga fulani wanaanza kubadili maoni yao kuhusu kutia damu mishipani? (2) Taja mifano mitatu ya upasuaji mgumu ambao unaweza kufanywa bila kumtia mgonjwa damu mishipani. (3) Ni madaktari na wapasuaji wangapi ulimwenguni pote ambao wamekubali kutunza na kufanyia wagonjwa upasuaji bila kuwatia damu mishipani? Kwa nini wanakubali kutotumia damu? (4) Uchunguzi uliofanywa hivi karibuni unaonyesha nini kuhusu matumizi ya damu? (5) Kutiwa damu mishipani kunaweza kutokeza hatari gani katika matunzo? (6) Wataalamu wengi wamefikia uamuzi gani kuhusu faida za kutumia dawa au matunzo ya aina nyingine badala ya damu? (7) Ni nini kinachosababisha upungufu wa damu? Mtu anaweza kupungukiwa damu kadiri gani bila hilo kutokeza matatizo? Ni nini inayoweza kufanywa ili kutatua tatizo hilo? (8) Ni nini inayoweza kufanywa ili mwili wa mgonjwa utengeneze chembe nyekundu za damu haraka zaidi? (9) Ni ufundi gani mbalimbali unaotumiwa ili kuzuia damu isitoke kwa wingi wakati wa upasuaji? (10) Je, dawa hizo na njia hizo zinazotumiwa badala ya damu zinaweza kutumiwa kuwatunza watoto na watu walio katika hali ya hatari? (11) Ni nini moja ya kanuni za maana inayohusu matunzo mazuri? (12) Kwa nini ni jambo la maana kwa Mkristo kuamua mapema ni matunzo gani yasiyohusisha damu atakayokubali? Tunawezaje kufanya jambo hilo?

Kukubali matunzo fulani yaliyoonyeshwa katika video hii ni uamuzi wa mtu binafsi ukitegemea dhamiri iliyozoezwa na Biblia. Je, umeamua tayari ni matunzo gani yasiyohusisha damu ambayo wewe na watoto wako mngekubali? Watu wa familia yako ambao si Mashahidi wanapaswa pia kujulishwa kabisa uamuzi wako na sababu za kuamua hivyo.—Ona “Maswali Kutoka kwa Wasomaji” katika Mnara wa Mlinzi wa Juni 15, 2004, na wa Oktoba 15, 2000.