Je, Umekawia?

Kukawia kufanya nini? Kujaza kadi ya kiganga DPA (Instructions médicales) iliyotayarishwa kwa ajili ya wahubiri wenye kubatizwa. Kwa kuwa ‘haujui uzima wako utakuwa namna gani kesho,’ ni jambo la maana uamue mbele ya wakati na kuonyesha kwa maandishi aina za matunzo ambayo unaweza kukubali ikiwa kunatokea jambo linaloomba kutenda haraka. (Yak. 4:14; Mdo. 15:28, 29) Ili kukusaidia, video Soigner sans transfuser — Besoins et droits du patient imetolewa. Angalia video hiyo, kisha, kwa kutumia maulizo yaliyo hapa chini, fikiria katika sala mambo ambayo ulijifunza.—Tangazo: Video hiyo inaonyesha wagonjwa wakifanyiwa upasuaji, kwa hiyo wazazi watatumia akili nzuri ili kuamua ikiwa wataiangalia pamoja na watoto wao wachanga.

(1) Kwa nini waganga fulani wanaanza kubadili maoni yao kuhusu kutia damu mishipani? (2) Taja mifano mitatu ya upasuaji ambao umefanywa bila kumtia mgonjwa damu mishipani. (3) Ni madaktari na wapasuaji wangapi ulimwenguni pote ambao wamekubali kutunza na kufanyia wagonjwa upasuaji bila kuwatia damu mishipani? Kwa nini wanakubali kutotumia damu? (4) Uchunguzi uliofanywa hivi karibuni unaonyesha nini kuhusu matumizi ya damu? (5) Kutiwa damu mishipani kunaweza kutokeza hatari gani? (6) Waganga na wapasuaji wamefikia uamuzi gani kuhusu faida za kutumia dawa ao matunzo ya aina nyingine kuliko kutumia damu? (7) Ni nini kinachosababisha upungufu wa damu? Mutu anaweza kupungukiwa damu kadiri gani bila hilo kutokeza hatari? Ni nini kinachoweza kufanywa ili kumsaidia mgonjwa anayepungukiwa na damu? (8) Ni nini kinachoweza kufanywa ili mwili wa mgonjwa utengeneze chembe nyekundu (globules rouges) za damu haraka zaidi? (9) Ni ufundi gani mbalimbali unaotumiwa ili kuzuia damu isitoke kwa uwingi wakati wa upasuaji? (10) Je, dawa hizo na njia hizo zinazotumiwa kuliko damu zinaweza kutumiwa kuwatunza watoto na watu walio katika hali ya hatari inayoomba matunzo ya haraka? (11) Taja kanuni moja kati ya kanuni za maana zinazohusu matunzo mazuri? (12) Kwa nini ni jambo la maana kwa Mkristo kuamua mbele ya wakati ni matunzo gani yasiyohusisha damu atakayokubali? Namna gani tunaweza kufanya jambo hilo?

Kukubali matunzo fulani yaliyoonyeshwa katika video hii ni uamuzi wa mutu yeye mwenyewe akitegemea zamiri yake iliyozoezwa na Biblia. Je, umekwisha kuamua ni matunzo gani yasiyohusisha damu ambayo wewe na watoto wako munaweza kukubali na hivyo kujaza kadi ya kiganga DPA? Ili kupata habari zote kuhusu mambo hayo, chunguza kwa uangalifu sura ya 7 ya kitabu “Upendo wa Mungu” na maandiko yanayoonyeshwa katika sura hiyo. Ona pia nyongeza “Ninaona Namna Gani Sehemu za Damu na Namna Mbalimbali za Matunzo Zinazoomba Kutumia Damu Yangu Mwenyewe?” katika Huduma Yetu ya Ufalme ya mwezi wa 11, 2006. Mwishowe, andika bila makosa kwenye kadi yako ya kiganga DPA mambo yaleyale yanayohusu maamuzi yako. Watu unaowatumainia (Personnes de confiance) ambao wanaandikwa kwenye kadi ya kiganga DPA na watu wa familia wowote wasio Mashahidi wanapaswa kujulishwa mambo yote kuhusu maamuzi yako.

[Kisanduku kwenye ukurasa wa 3]

• Je, umekwisha kuamua ni matunzo gani ya kiganga ambayo wewe na watoto wako munaweza kukubali?

• Je, kila wakati unatembea na kadi yako ya kiganga DPA ili ikusaidie ikiwa unapatwa na hali inayoomba kutenda haraka?