Utaonyesha Shukrani?
Ukumbusho Utatutolea Nafasi ya Kuonyesha Shukrani
1. Ukumbusho utatutolea nafasi gani ya pekee?
1 Ukumbusho tutakaofanya tarehe 14 Mwezi wa 4, utatutolea nafasi ya pekee ya kuonyesha shukrani kwa Yehova kwa sababu ya wema wake kwetu. Habari inayopatikana katika Luka 17:11-18 inaonyesha namna Yehova na Yesu wanapendezwa na watu wanaoonyesha shukrani. Sikitiko ni kwamba mumoja tu kati ya hao watu wenye ukoma walioponyeshwa ndiye alionyesha shukrani. Wakati ujao, zawadi ya zabihu ya ukombozi itafanya iwezekane aina yote ya magonjwa iishe, na wanadamu kuishi milele! Bila shaka, wakati huo tutamushukuru Yehova kila siku kwa sababu ya baraka hizo. Basi, namna gani tunaweza kuonyesha shukrani katika majuma yanayokuja?
2. Namna gani tunaweza kuonyesha shukrani kwa ajili ya zabihu ya ukombozi?
2 Uwe Mwenye Shukrani: Kuendelea kufikiri juu ya jambo tulilotendewa kunaweza kutuchochea tuwe wenye shukrani. Ili kutusaidia tuwe wenye shukrani kwa ajili ya zabihu ya ukombozi, programu ya pekee ya usomaji wa Biblia itapatikana katika vichapo fulani; kwa mufano, katika Kalendari ao broshua Kuyachunguza Maandiko Kila Siku. Pia, itawekwa kwenye adresi yetu jw.org mbele ya Ukumbusho. Munaweza kuchunguza programu hiyo katika familia. Kwa kufanya hivyo, shukrani yetu kwa ajili ya zabihu ya ukombozi itaongezeka. Hilo litatuchochea tuwe na mwenendo muzuri.—2 Kor. 5:14, 15; 1 Yoh. 4:11.
3. Ni katika njia gani tutaonyesha shukrani katika kipindi cha Ukumbusho?
3 Onyesha Shukrani: Tunaonyesha shukrani kupitia matendo. (Kol. 3:15) Huyo mumoja wa wale wakoma walioponyeshwa alijikaza kumutafuta Yesu ili kumushukuru. Bila shaka, aliwaelezea pia wengine kwa bidii namna aliponyeshwa kimuujiza. (Lu. 6:45) Acheni basi, shukrani yetu kwa ajili ya zabihu ya ukombozi ituchochee kuhubiri kwa bidii wakati wa kampanye ya Ukumbusho. Njia nyingine nzuri ya kuonyesha shukrani ni kuwa painia musaidizi ao kuhubiri sana wakati wa kampanye ya Ukumbusho. Mangaribi hiyo ya Ukumbusho, roho yenye shukrani itatuchochea tuwakaribishe watu tulioalika kwenye Ukumbusho na tutakuwa tayari kujibu maulizo yao.
4. Sababu gani tusikose kuonyesha shukrani wakati wa Ukumbusho wa mwaka huu?
4 Huu ndio utakuwa Ukumbusho wetu wa mwisho? (1 Kor. 11:26) Hatujue. Lakini tunajua kwamba, kisha Ukumbusho huu nafasi ya pekee ya kuonyesha shukrani itakuwa imepita. Wewe utaonyesha shukrani? Basi, maneno ya kinywa chetu na kutafakari kwa moyo wetu kumufurahishe Yehova, ambaye alitoa kwa ukarimu zabihu ya ukombozi.—Zab. 19:14.