Tukomalishe Ufundi Wetu wa Kuhubiri—Kuhubiri Kupitia Telefone Yenye Kuwekwa Kwenye Mulango

Sababu Gani ni Lazima Kufanya Hivyo: Kuhubiri kupitia telefone yenye kuwekwa kwenye mulango kunaweza kuogopesha. Namna gani tunaweza kuepuka woga huo utuzuie kuwa na bidii kwa ajili ya kazi njema? Tusisahau kwamba ili kuwahubiria watu fulani habari njema, njia pekee ya kutumia inaweza kuwa telefone yenye kuwekwa kwenye mulango. (Rom. 10:14) Wahubiri fulani wamepata matokeo mazuri kwa kutumia njia hiyo. (Soma Kitabu cha Mwaka cha 2011, uku. 65-66, na Kitabu cha Mwaka cha 2000, uku. 54, fu. 3.) Tuchunguze mapendekezo yenye kufuata.

Namna ya Kufanya:

Tayarisha maneno mafupi, yenye utamusomea mwenye-nyumba bila kukawia kwa kutumia telefone yenye kuwekwa kwenye mulango. Kufanya hivyo kunaweza kukusaidia ili usiogope. Anza kwa kumuelezea mwenye nyumba sababu gani umemutembelea. Katika mazungumuzo, tumia jina la mwenye-nyumba ikiwa limeandikwa mahali fulani. Malizia kwa kumuambia kwamba ungependa kumuachia (ao uache kwenye mulango wake) trakte ao gazeti fulani lenye litamutolea maelezo zaidi.
Uwe na maoni mazuri. Uonyeshe sura ya kicheko na ufanye ishara kama vile unaongea na mutu huyo uso kwa uso.
Uwe mwenye kutulia na uzungumuze kwa njia ya kawaida. Uongee kwa njia yenye kueleweka na kwa sauti yenye kufaa. Epuka kutua-tua bila sababu, na usiseme mbio-mbio sana.
Tumia utambuzi. Katika majengo makubwa-makubwa, kunaweza kuwa telefone nyingi zenye kuwekwa kwenye milango. Inaweza kuwa muzuri uzungumuze tu na watu fulani na kuandika mambo juu yao, kuliko kuzungumuza na watu wote siku moja. Kama unapitisha wakati murefu ili kuongea na watu kupitia telefone zote zenye kuwekwa kwenye milango, unaweza kuwaogopesha watu wa jengo hilo.

Tumikisha Shauri Hili Katika Mwezi:

Mufanye mazoezi wakati wa ibada yenu ya familia na watu wenye kufanya mazoezi hayo wazungumuze bila kuangaliana.