Cha Pili cha Mambo ya Nyakati
30 Hezekia akatumia Israeli wote+ na Yuda ujumbe, na hata aliandikia Efraimu na Manase barua,+ ili wakuje kwenye nyumba ya Yehova katika Yerusalemu kusudi wafanye Pasaka ya Yehova Mungu wa Israeli.+ 2 Hata hivyo, mufalme, wakubwa wake, na kutaniko lote katika Yerusalemu wakaamua kufanya Pasaka katika mwezi wa pili,+ 3 kwa maana hawakuweza kuifanya wakati wenye ilikuwa inafanywa kwa ukawaida,+ kwa sababu hakukuwa makuhani wa kuenea wenye walikuwa wamejitakasa+ na watu hawakukuwa wamekusanyika katika Yerusalemu. 4 Mupango huo ulionekana kuwa muzuri mbele ya macho ya mufalme na kutaniko lote. 5 Basi wakaamua kutangaza katika Israeli yote, kuanzia Beer-sheba mupaka Dani,+ kwamba watu wakuje na kufanya Pasaka kwa ajili ya Yehova Mungu wa Israeli kule Yerusalemu, kwa maana wakiwa kikundi hawakukuwa wameifanya kulingana na mambo yenye yameandikwa.+
6 Kisha wajumbe* wakaenda katika Israeli yote na Yuda wakiwa na barua hizo kutoka kwa mufalme na wakubwa wake, kama vile mufalme alikuwa ameamuru, kwa kusema: “Watu wa Israeli, mumurudilie Yehova Mungu wa Abrahamu, Isaka, na Israeli, ili naye arudilie mabaki wenye waliponyoka kutoka katika mukono wa wafalme wa Ashuru.+ 7 Musikuwe kama mababu zenu na kama ndugu zenu wenye walitenda kwa kukosa uaminifu kumuelekea Yehova Mungu wa mababu zao, na hivyo akawafanya kuwa kitu cha kuogopesha, kama vile munaona.+ 8 Sasa musikuwe kichwa-nguvu kama mababu zenu.+ Mujinyenyekeze mbele ya Yehova na mukuje patakatifu pake+ penye ametakasa milele na mumutumikie Yehova Mungu wenu, ili kasirani yake yenye kuwaka igeuke kutoka kwenu.+ 9 Kwa maana wakati mutamurudilia Yehova, ndugu zenu na wana wenu wataonyeshwa rehema na wale wenye waliwakamata,+ na wataruhusiwa kurudia katika inchi hii,+ kwa maana Yehova Mungu wenu ni mwenye huruma* na rehema,+ na hatageuza uso wake kutoka kwenu kama munarudia kwake.”+
10 Kwa hiyo wajumbe* hao walienda muji kwa muji katika inchi yote ya Efraimu na Manase,+ hata kule Zabuloni, lakini watu walikuwa wanawafanyia muzaha na kuwachekelea.+ 11 Hata hivyo, watu fulani kutoka Asheri, Manase, na Zabuloni walijinyenyekeza na wakakuja Yerusalemu.+ 12 Mukono wa Mungu wa kweli ulikuwa pia katika Yuda ili kuwaunganisha* watimize mambo yenye mufalme na wakubwa walikuwa wameamuru kwa neno la Yehova.
13 Watu wengi walikusanyika pamoja kule Yerusalemu ili kufanya Sikukuu ya Mikate Yenye Haina Chachu+ katika mwezi wa pili;+ lilikuwa kutaniko kubwa sana. 14 Wakasimama na kuondoa mazabahu zenye zilikuwa katika Yerusalemu,+ na wakaondoa mazabahu zote za uvumba+ na kuzitupa katika Bonde la Kidroni. 15 Kisha wakachinja zabihu ya Pasaka katika siku ya kumi na ine (14) ya mwezi wa pili. Makuhani na Walawi wakasikia haya, basi wakajitakasa na kuleta matoleo ya kuteketezwa kwenye nyumba ya Yehova. 16 Walisimama kwenye nafasi zao za kawaida, kulingana na Sheria ya Musa mutu wa Mungu wa kweli; kisha makuhani wakanyunyiza* damu+ yenye ilipokewa kutoka katika mukono wa Walawi. 17 Kulikuwa watu wengi katika kutaniko hilo wenye hawakukuwa wamejitakasa, na Walawi ndio walipaswa kuchinja zabihu za Pasaka kwa ajili ya wale wote wenye hawakukuwa safi,+ ili kuwatakasa kwa Yehova. 18 Kwa maana hesabu kubwa ya watu, zaidi sana wale wa kutoka Efraimu, Manase,+ Isakari, na Zabuloni, hawakukuwa wamejitakasa, lakini bado walikula Pasaka, tofauti na mambo yenye yameandikwa. Lakini Hezekia akasali kwa ajili yao, na kusema: “Yehova, mwenye ni mwema,+ akubali 19 kila mutu mwenye ametayarisha moyo wake ili kumutafuta Mungu wa kweli,+ Yehova, Mungu wa mababu zake, hata kama hakutakaswa kulingana na kanuni ya utakatifu.”+ 20 Na Yehova akamusikiliza Hezekia na akasamehe* watu.
21 Basi Waisraeli wenye walikuwa Yerusalemu wakafanya Sikukuu ya Mikate Yenye Haina Chachu+ kwa siku saba (7) kwa furaha kubwa,+ na Walawi na makuhani walikuwa wanamusifu Yehova siku kwa siku, wakimupigia Yehova vyombo vyao kwa sauti kubwa.+ 22 Zaidi ya hayo, Hezekia akasema na Walawi wote wenye walikuwa wanamutumikia Yehova kwa busara na akawatia moyo.* Na wakakula katika sikukuu hiyo yote kwa siku saba (7),+ wakitoa zabihu za ushirika+ na kumushukuru Yehova Mungu wa mababu zao.
23 Kisha kutaniko lote likaamua kuifanya kwa siku zingine saba (7), basi wakaifanya kwa furaha kwa siku zingine saba.+ 24 Na Mufalme Hezekia wa Yuda alitoa kwa ajili ya kutaniko muchango wa ngombe-dume elfu moja (1 000) na kondoo elfu saba (7 000), na wakubwa walitoa kwa ajili ya kutaniko muchango wa ngombe-dume elfu moja na kondoo elfu kumi (10 000);+ na hesabu kubwa ya makuhani walikuwa wanajitakasa.+ 25 Na kutaniko lote la Yuda, makuhani, Walawi, kutaniko lote lenye lilitoka Israeli,+ na wakaaji wageni+ wenye walitoka katika inchi ya Israeli na wale wenye waliishi katika Yuda wakaendelea kufurahi. 26 Na kulikuwa furaha kubwa katika Yerusalemu, kwa maana tangu siku za Sulemani mwana wa Daudi mufalme wa Israeli, jambo kama hilo halikukuwa limetendeka katika Yerusalemu.+ 27 Mwishowe makuhani Walawi wakasimama na kubariki watu;+ na Mungu akasikia sauti yao, na sala yao ikafika katika makao yake matakatifu, mbinguni.