Jipi aminabi wiká pagótami bineli ka nili | ¿Piri aní echi Biblia?

Japi bineli omáana wichimóbachi,a aní japi naó pagótami bilé echi bineli ka nili.

• “Chuwé pagótami omáana piréami, japi kuuchi ju o ma wiká bamíbami, bineli ka nili” (Chido Mpemba, copresidenta de la Comisión de la Organización Mundial de la Salud sobre Conexión Social).

Ke echi pagótami bi japi ma wiká bamibi o echi japi we miká piré awénili ka nili, nalí ayénachó echi kúruwi alí iwé, echi japi nayúami ju alí echi japi niwíkami ju o japi we aʼlá piré. Japalí bilé pagótami bineli ka nili, echi isimí japi nayúma alí omona nílima.

• “Japalí mi bineli ka nili ami newalasaré japi ke aʼlá ju […]. Jepuná wabé chati ju japalí bilé pagótami pewa 15 cigarrillos ibili rawé” (Vivek Murthy, director general de Salud Pública de Estados Unidos).

Japi aní echi Biblia

Japi tamujé niwali nakí japi ta napawipo jarecho yúa. Onorúami ko nakí japi ta olabo we aʼlá amigos jiti ta echi yúa napawipo alí raʼichabo.

•  Echi Biblia aní: “Onorúami anili: ‘Ke aʼlá ju japi echi rijoi bineli ka asimea’” (Génesis 2:18).

Onorúami ko nakí japi ta echi amígowala nipo. Echi ko tamó ané japi tamujé mulíwima, ata iʼwérili nokisáaká muliwia echi (Santiago 4:8).

•  Echi Biblia aní: “We kaníliami ju echi japi we aʼlá machí ko japi newalé Onorúami, jiti echi Reino ripá siyónachi nirúami echi níwala ju” (Mateo 5:3, TNM).

Onorúami ko nakí japi ta echi nijéwipo jarecho pagótami yúa. Japalí ta echi riká noká, ata we kanili.

•  Echi Biblia aní: “Aʼnagupi nagúurabo mapurigata ibili niráa waminabi wabé galéami níibo, ayénachó mapurigata ibili niráa waminabi galabé oláami níibo. Alí ketasi galá níima máputa waminá ariwebo napawíi echi auché jaré bichíyami yuwa [...]. Chopi galá níima tamujeta aʼnagupi waminabi galá bichíiratasa” (Hebreos 10:24, 25).

Ami che machináliaká chúsiá we nateámi ju japi mi iʼwérili isima jiti mi ke bineli ka nílima, leeri echi artículo “Soledad en la era de la comunicación”.