Wiká pagótami omáana Wichimóbachi awénili ka nili: ¿piri ta nokisáré jiti ke echi riká nílipo?

• “Sojí nasípasi rijoi alí mukí japi piré echoná Estados Unidos awénili ka nili. Japi wabé risoa nili ko echi rijoi ju japi 18 aminá 25 bamíbami cheka” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Japi aní echi waʼlú isélikami echomí Estados Unidos echi jitra japi awénili ka nili, bamíali 2023]).

• “[Echi OMS] anili japi chapili jaré pagótami jiti nochama iʼwiria pagótami japi awénili ka nili, jepuná ju bilé nayulí japi nirú omáana Wichimóbachi. Jiti la, echi pagótami iʼwírima echi japi awénili ka nili jiti olama amigos alí iʼwírima echi doctores jiti saʼwema echi pagótami omáana países” (Organización Mundial de la Salud, 15 inárachi noviembre 2023).

Echi Biblia tamó iyá busuréliami japi riká ke ti awénili ka nílipo.

Busuréliami japi aní echi Biblia

Kiti wiká namuti isí bineli ka. Ke wilí inésaré echi computadora o celular. Nalí, we aʼlá ju simiria jarecho yúa alí we aʼlá amigos niya.

• Texto bíblico japi we natéami ju: “Japi we aʼlá amigo ju ko, sinibí we aʼlá galé echi amigo alí ineni japi riká binoy bachilá japalí risoa níliachi” (Proverbios 17:17).

Aa chúriká iʼwiria jarecho. We aʼlá isíami niya tamó iʼwiri ke awénili ka nilia, alí ayénachó tamó iʼwiri we kanílika mochía.

• Texto bíblico japi we natéami ju: “Wabé kaníliami ju japi iyá jarecho alí ke ko japi naré” (Hechos 20:35, TNM).

Ami che machináliaká jarecho busuréliami japi aní echi Biblia jiti mi aʼlá amigos olama, aa echi página internet chukúami jw.org.