Amigos olá jiti mi ke bineli ka nílima | Echi Biblia mi iʼwírima

Bamíali 2023 wiká pagótami omáana Wichimóbachi bineli ka nílili, jiti la jaré namuti nokisáré jiti ma ke echi riká nílima. Nalí be echi ko, ¿ne bichíwali omérima ku aʼlá nilia?

• “Bineli ka nilia isímiré japi ta pe aminana nayupo. Nalí be, ati iʼwérili nokisáaká mulíwimia tamujé téemala alí echi amigos, ati ma ke awénili ka nílipo” (Vivek Murthy, director general de Salud Pública echomí Estados Unidos).a

Bilé japi bineli ka atí, ke echi bi ju japi bineli ka nili. Ayénachó a nirú jaré japi bineli ka nili tákoré atí jarecho yúa. Echi Biblia ko iʼwiri japalí ta echi riká nili. Alí japi aní echoná tamó iʼwírima olayá amigos jiti ta ke awénili ka nílipo.

Japi aní echi Biblia mi iʼwírima

Raʼichá jarecho yúa. Japalí mi raʼicha jarecho yúa, ke ruyé bi japi mi nili, nalí ayénachó we aʼlá kipú jarecho. Ami echi riká isísaká, ami we aʼlá amigos olama alí we mi kanílima mujé téemala yúa.

•  Echi Biblia aní: “Kiti natasi japi timí aboi bi newalé, nalí ayénachó japi newalé jarecho” (Filipenses 2:4, TNM).

Aminabi aʼlá amigos olá. We aʼlá ju japi mi olama amigos japi ke ikí bamíbami ju mujé yúa. Ayénachó japi bilecho raʼicháliami ju o japi bité jaréanami.

•  Echi Biblia aní: “Wabé galebo [jarecho]” (2 Corintios 6:13).

Ami che machináliaká japi mi isísaré jiti mi aʼlá amigos olama, leeri echi artículo “Cómo saciar la sed de amistad”.